كەلەڭسىز وقيعا بەينەلەنگەن ۆيدەو جەلى قولدانۋشىلارىنىڭ زارەسىن ۇشىردى. سۋعا باتا جازداعان بالانى قۇتقارۋشى قىز شىعاردى. كەيىن ونى ەر ادام جەرگە كوتەرىپ جاتقىزدى. سول ساتتە كومەككە دەمالۋشى ايەلدەردىڭ ءبىرى جاقىنداپ, شەبەر قيمىلدارمەن جۇرەك-وكپە رەانيماتسياسىن جاساپ, بالانىڭ تىنىسىن قايتاردى.
جەدەل جاردەم قىزمەتى كەلگەننەن كەيىن باسسەين قىزمەتكەرلەرى بالانى دارىگەرلەرگە تاپسىردى. قازىر ونىڭ ءومىرى مەن دەنساۋلىعىنا قاۋىپ ءتونىپ تۇرعان جوق.
اتا-اناسى بالانى قۇتقارۋعا قاتىسقانداردىڭ بارلىعىنا العىستارىن ءبىلدىردى.
ايتا كەتسەك, العاشقى مەديتسينالىق كومەك كورسەتكەن ايەلدىڭ ەسىمى - نازىم ءشارىپوۆا. ول «ەسىل» اۋدانىنىڭ پوليتسيا باسقارماسىندا انىقتاۋشى بولىپ جۇمىس ىستەيدى. سول كۇنى پوليتسەي ايەل وتباسىمەن بىرگە دەمالۋعا بارعان. ول قۇتقارۋ كەزىندە بالاعا زاقىم كەلتىرمەۋ ءۇشىن ەرەكشە ساقتىقپەن قيمىلداعانىن ايتتى.
