جەرلەسىمىز ەكۆادورلىق گونسالو ەسكوبارمەن بىرگە جارىستىڭ سوڭعى باسەكەسىندە وسى ءتۋرنيردىڭ 1-ءشى راكەتكاسى رەتىندە تىركەلگەن اۋستريالىقتار – الەكساندر ەرلەر جانە لۋكاس ميدلەرمەن كەزدەستى. ەكى سەتكە جالعاسقان ماتچتا اۋستريالىق دۋەت 6:4, 6:4 ەسەبىمەن جەڭىسكە جەتىپ, چەمپيوندىق تۇعىرعا كوتەرىلدى. باسەكە بارىسىندا نەدوۆەسوۆ پەن ەسكوبار – 5 ەيس جاساپ, وكىنىشكە قاراي, 3 برەيك-پوينتتى پايدالانا المادى. قارسىلاستارىنا – 3 ەيس, 2 برەيك (12 برەيك-پوينت) جەتكىلىكتى بولدى.
الەكساندر نەدوۆەسوۆ پەن گونسالو ەسكوبار جۇبى بيىلدىققا وسىمەن ءۇشىنشى مارتە فينالدا وينادى. وسىدان ءبىر اپتا بۇرىن ولار شۆەتسيانىڭ باستاد قالاسىندا وتكەن اتر 250 ساناتىنداعى ءتۋرنيردىڭ جەڭىمپازى اتانعان بولاتىن.
