الەم كۋبوگى جارىستارىندا توپ جارىپ, جۇلدەلى ورىنداردان كورىنىپ جۇرگەن وتانداسىمىز جازعى ۋنيۆەرسيادادا ءوز مىقتىلىعىن دالەلدەپ, ءۇش باعدارلاما بويىنشا ۇزدىكتەر قاتارىنان كورىندى. جەرلەسىمىز الدىمەن كەرمە جاتتىعۋىندا 14,800 ۇپاي جيناپ, ۋنيۆەرسيادا چەمپيونى اتانسا, كەيىننەن ەركىن جاتتىعۋدا كۇمىس جۇلدەگەر اتاندى. ال تىرەك سەكىرۋ سايىسىندا كاريمي ۋكراينا جانە قىتايلىق تايبەي وكىلدەرىن العا جىبەرىپ, قولا جۇلدەنى قاناعات تۇتتى.
سونىمەن قاتار تاعى ءبىر وكىلىمىز ناريمان قۇربانوۆ ات جاتتىعۋىندا فينالدا باق سىناپ, 15.266 ۇپايمەن جارىستىڭ كۇمىس جۇلدەگەرى اتاندى. باس جۇلدە مەن قولا مەدال قىتايلىق تايبەي وكىلدەرىنە بۇيىردى.
جالپىكوماندالىق ەسەپتە قازاقستان قۇراماسىنىڭ سپورتشىلارى 18 (2 التىن, 7 كۇمىس جانە 9 قولا) جۇلدەمەن 17-ورىندا كەلەدى. ال كوش باسىندا قىتاي قۇراماسى تۇر. ولاردىڭ ەنشىسىندە 133 مەدال (76 التىن, 30 كۇمىس, 27 قولا) بار. ەكىنشى ورىندا جاپونيا – 71 مەدال (18 التىن, 23 كۇمىس, 30 قولا) بولسا, ۇزدىك ۇشتىكتە كورەيا سپورتشىلارى ورنالاسقان – 50 (17 التىن, 15 كۇمىس, 18 قولا).
