5 تامىزدا ءال-فارابي اۋدانىنداعى پوليتسيا باسقارماسىنا جوعالعان قىز تۋرالى حابارلاما كەلىپ ءتۇستى. اعاسىنىڭ ايتۋىنشا, 2004 جىلى تۋعان ايدا ءابىلدا 4 تامىز كۇنى ساعات 16:30 شاماسىندا ۇيدەن شىعىپ, قايتا ورالماعان.
قىزدىڭ جۇرگەن جەرىن انىقتاۋ ءۇشىن شىمكەنت قالالىق پد-نىڭ بارلىق جەكە قۇرامى جۇمىلدىرىلدى.
ايدا ءابىلدا - «بۇلاق» كوللەدجىنىڭ 1 كۋرس ستۋدەنتى. بويى 160-165 سم, ورتا دەنەلى, شاشى قارا, كوزدەرى قىسىڭقى كەلگەن, مويىن ايماعىندا ىسىگى بار (زوب).
«ىزدەۋ جۇمىستارى پوليتسيا دەپارتامەنتى باسشىلىعىنىڭ ەرەكشە باقىلاۋىندا. جوعالعان قىزدىڭ قايدا ەكەنى تۋرالى بىلەتىندەر بولسا, 102 تەلەفونى ارقىلى پوليتسياعا حابارلاسۋدى سۇرايمىز», دەدى شىمكەنت پوليتسيا دەپارتامەنتىنىڭ وكىلدەرى.
