كاتونقاراعاي, زايسان, التاي اۋداندارى مەن ريددەر قالاسىنداعى اۋماقتاردا سەل ءجۇرۋ قاۋپى بار.
اقپاراتتا: «وسى 4 ءوڭىردىڭ اۋماعىنداعى بيىك تاۋلاردا 11 ەلدى مەكەنگە قاۋىپ توندىرەتىن 144 مۇزدىقتى كول قالىپتاسادى. ماماندار قاۋىپسىزدىك ماقساتىندا كولدەر مۇزدان ءالى اشىلماعان ساتتەن باستاپ سەل قاۋپى بار جاعدايدى باقىلاۋ ءۇشىن اەروۆيزۋالدى تەكسەرۋ جۇرگىزۋدە», دەلىنگەن.
9 ۋچاسكەدە كوشكىن قاۋپى نەگىزىنەن اۆتوجولداردا, وزەن باسسەيندەرىندە, ريددەر قالاسىنداعى گروموتۋحا, ۇبە, التاي اۋدانىنداعى بۇقتىرما, حامير, چەرنوۆايا, كاتونقاراعاي اۋدانىنداعى بۇقتىرما, زايسان اۋدانىنداعى كەندىرلىك جاعالىق ەڭىستەر مەن تاۋلاردىڭ كەسىندىلەرىندە.
كوشكىن قاۋپى بار اۋماقتارعا بۇگىنگى كۇنگە دەيىن 54, سەل قاۋپى بار ۋچاسكەلەرگە 80 رەت جەرۇستى تەكسەرۋ جۇمىستارى جۇرگىزىلگەن.
