فوتو: polisia.kz
زاڭسىز جۇرگەن شەتەل ازاماتتارىن الماتىنىڭ پوليتسەيلەرى جەرگىلىكتى رەيد كەزىندە انىقتادى.
الماتى پوليتسيا دەپارتامەنتى كوشى-قون قىزمەتى باسقارماسىنىڭ باستىعى اسحات ءبۋتۋنچينوۆتىڭ سوزىنشە, ءبىر اپتانىڭ ىشىندە قازاقستان رەسپۋبليكاسىندا زاڭسىز تۇرىپ جاتقان افريكا كونتينەنتىنىڭ 11 ازاماتى انىقتالعان.
الماتى مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ولار قازاقستان رەسپۋبليكاسىنان شىعارىلعان.
«سونىمەن قاتار پروفيلاكتيكالىق ءىس-شارالاردى جۇرگىزۋ بارىسىندا قازاقستاننىڭ كوشى-قون سالاسىنداعى زاڭناماسىن بۇزعانى ءۇشىن شەتەلدەردىڭ 10 جانە كورشىلەس مەملەكەتتەردىڭ 137 ازاماتى اكىمشىلىك جاۋاپكەرشىلىككە تارتىلعانىن ايتا كەتكەن ءجون. 23 شەتەل ازاماتى مەملەكەتتەن شىعارىلدى. قابىلداپ-تاراتۋعا قۇجاتتارى جوق 52 شەتەلدىك ازامات ورنالاستىرىلدى», دەدى اسحات بۋتۋنچينوۆ.
