دەسە دە, ءشوبى شۇيگىن وڭىردە كەيىنگى جىلدارى قاردىڭ جۇقا, جاۋىن-شاشىن مولشەرىنىڭ تىم از ءتۇسۋى سالدارىنان قۋاڭشىلىق ورىن الىپ وتىر. بۇرىندارى ات باۋىرىنا جەتەتىن شابىندىقتاردىڭ كۇيى كەتىپ, شارۋالاردىڭ كوڭىلىن الاڭداتىپ وتىر. سوعان قاراماستان, قولدا بار تەحنيكانى جۇمىلدىرىپ, ءشوپ شابۋ ناۋقانىنا جۇدىرىقتاي جۇمىلا كىرىسىپ كەتتى.
جالپى, الداعى قىستان مال باسىن امان ءارى قوڭدى الىپ شىعۋ ءۇشىن رايىمبەك اۋدانى بويىنشا 21 794 گەكتار القاپتان 188 مىڭ توننا ءشوپ شاۋىپ, جيناۋ جوسپارلانۋدا. بۇل مەجەنىڭ ورىندالۋى اۋدانداعى 86 599 باس ءىرى قارانىڭ, 47 877 باس جىلقىنىڭ, 415 449 باس قوي-ەشكىنىڭ الداعى قىستان شىعۋىنا نەگىز بولماق.
شالعى سىرىلى ەستىلە باستاعان از كۇننىڭ ىشىندە بەلگىلەنگەن جوسپاردىڭ 11 250 گەكتارى شابىلدى. 61 875 توننا مال ازىعى ءتيىستى ورىندارعا جەتكىزىلىپ, جينالعان. ازىرگە ءونىم كولەمىن ءار گەكتارعا شاققانداعى ءتۇسىم 55 تسەنتنەردەن اينالىپ جاتىر. قىزۋ قيمىلدىڭ ناتيجەسىندە شابىندىقتىڭ ۇشتەن ءبىر بولىگى شابىلىپ بىتكەن.
ءشوپ شابۋ ناۋقانىنا بيىل 52 بىرلىك ءشوپ شاباتىن ماشينا, 5 شابىندىق كومباين, 82 پرەسس-جيناعىش, 82 تىرماق, تىركەمەسى بار 96 تراكتور, 120 اۆتوماشينا جۇمىلدىرىلعان. اۋدان بويىنشا كۇزگى دالا جۇمىستارىنا قاتىساتىن تەحنيكالار ءۇشىن 486 توننا ديزەل وتىنىنا ءوتىنىم بەرىلگەن. بۇل قاجەتتىلىك ءشوپ شابۋ ناۋقانى جۇرەتىن ءۇش ايعا بولىنگەن. بۇگىندە شارۋا قوجالىقتارى وزدەرىنە كومەك رەتىندە مەملەكەت تاراپىنان تومەنگى باعامەن بەرىلەتىن وسى جانارمايدىڭ يگىلىگىن كورىپ وتىر.
اۋىلدىڭ ىرىسىن ارتتىرىپ, نەسىبەسىن مولايتىپ وتىرعان ءتورت ت ۇلىكتىڭ قىستان شىعۋىنا ەرتە كوكتەمنەن كوڭىل ءبولىپ, شابىندىعىن كۇتىپ-باپتاعاننىڭ ارقاسىندا جامبىل اۋدانىندا دا جۇمىس ناتيجەلى جۇرگىزىلىپ وتىر. اتاپ ايتساق, وتكەن جىلى 435,2 مىڭ توننا ءشوپ جيناعان بولسا, بيىل بۇل كورسەتكىش 510,2 مىڭ تونناعا ارتقان. بۇگىندە 460 مىڭ توننا, ياعني ءشوپ شابۋ ناۋقانىنىڭ 90 پايىزى اياقتالعانىنان حاباردار بولدىق.
«سونداي-اق بيىل 46 400 توننا پىشەندەمە جيناۋ كوزدەلسە, سونىڭ 30 مىڭ تونناسى جينالىپ, جوسپاردىڭ 65 پايىزى ورىندالدى. سابان جيناۋدا دا كوش ىلگەرىمىز. 52 600 توننانىڭ 35 مىڭى جينالىپ, 67 پايىزى ورىندالدى. بۇعان قوسا جەم دايىنداۋدا 78,2 توننانىڭ 50 مىڭ تونناسى دايىن بولدى. سۇرلەم جيناۋ ءالى باستالمادى. جوڭىشقا سۋارمالى ەگىستىكتە وندىرىلەدى. بۇگىنگە ءبىرىنشى, ەكىنشى شابىندىقتان وندىرىلگەنى – 63 مىڭ 75 توننا. بۇل – جالپى قىسقا جينالۋعا ءتيىس جەم-ءشوپتىڭ كورسەتكىشى. بيىلعى اۋا رايىنىڭ قولايسىزدىعىنا بايلانىستى جوعارىدا اتالعان 510,2 مىڭ توننانىڭ 281 376 تونناسىن سىرتتان, ەڭبەكشىقازاق, بالقاش اۋداندارى مەن كورشىلەس وبلىستاردان كەلگەن شوپتەردەن ساتىپ الىپ تولىقتىرامىز. ءبىزدىڭ اۋداننان ناقتى 228 مىڭ 856 توننا ورىندالادى. كۇزگى دالا جۇمىستارىنا قاتىسقان تەحنيكالاردىڭ سانى – 1 134, ياعني 96 پايىز دايىندىقپەن جۇمىسقا قوسىلدى. ونىڭ ىشىندە 831 تراكتور, 80 كومباين, 135 سوقا جانە 77 بىرلىك تىرما بار», دەيدى جامبىل اۋداندىق اۋىلشارۋاشىلىق جانە جەر قاتىناستارى ءبولىمىنىڭ باس مامانى قايرات تويشىبەكوۆ.
بيىلعى كوكتەمدە جۇرگەن توڭنىڭ سالدارىنان جانە جازعى قۋاڭشىلىقتان ءشوپتىڭ شىعىمدىلىعى وتە تومەنگى دەڭگەيدە ەكەنىن ماڭداي تەرىن شۇمەكتەتىپ جۇرگەن شارۋالار جوققا شىعارمايدى. سونىڭ ءبىرى – جامبىل اۋدانى جاڭاقۇرىلىس اۋىلىنداعى «مۇرىنباي» شارۋا قوجالىعىنىڭ يەسى سەرىك جولداس ۇلى.
«قاراماعىمىزدا 3 200 باس انالىق قويدان كوكتەمدە 3 مىڭ باس قوزى ىلەستى. 100 باس انالىق سيىر جانە 120 باس بيە, 20 تۇيە بار. شارۋاشىلىق يەلىگىندەگى 350 گەكتار شابىندىق جەر مەن 120 گەكتار ەگىستىك القاپتان الىنعان ءونىم بيىل كوڭىل كونشىتپەي تۇر. جاۋىن جوق, ءشوپ كۇيىپ كەتتى. بىلتىر 350 گەكتار شابىستان 18 مىڭ تۇك ءشوپ العان ەدىك, بيىل مۇنىڭ ۇشتەن ءبىرى عانا جينالدى, 6 مىڭنان اسپادى. 20 توننا سەپكەن ءداندى داقىل سول كۇيى قايتا جينالدى. الداعى قىسقى مال ازىعىن وسى كۇنى شىمكەنت, قىزىلوردا جاقتان كەلىپ جاتقان شوپتەردەن ساتىپ الۋدامىز. بازاردا ءبىر تۇك ءشوپتىڭ قۇنى 1 500-1 800 تەڭگەدەن ساتىلادى. بۇل شارۋالار ءۇشىن وڭايعا سوقپاي تۇر», دەيدى ءتورت ت ۇلىكتى تۇگەل ءوسىرىپ وتىرعان شارۋا قوجالىعىنىڭ يەسى.
دەي تۇرعانمەن, «قامدانعان قاپى قالماس» دەپ, جازدىڭ ءار كۇنىن ءتيىمدى پايدالانىپ قالۋعا تىرىسقان شارۋا ادامدارى شالعىسىن قايراپ, ارباسىن سايلاپ, ءشوپ شابۋ ناۋقانىن قىزدىرا تۇسكەن. ونى شابىندىقتارداعى شالعى سىرىلى سەزدىرەدى.
