اتالمىش ساعاتتى دارىندى بالالارعا ارنالعان وبلىستىق مامانداندىرىلعان ليتسەيدىڭ 9-سىنىپ وقۋشىسى دۋلات يسابەك پەن 8-سىنىپ وقۋشىسى ءاديا تۇرسىنباي ويلاپ تاپقان.
ساعاتقا دەنە تەمپەراتۋراسىن, قانداعى وتتەگى پايىزىن, جۇرەك قاعىسىن باقىلاپ تۇرۋ فۋنكتسيالارى ەنگىزىلگەن ەكەن. سونداي-اق ناۋقاس قۇلاپ قوزعالىسسىز قالعان جاعدايدا تۋىسىنا نەمەسە جەدەل جاردەمگە دابىل جىبەرە الادى. ەڭ باستىسى, ناۋقاستىڭ مەكەن-جايىن, جاتقان جەرىن ناقتى كورسەتىپ تۇرادى.
ناۋقاستارعا كەيدە ءتۇرلى سەبەپتەرمەن العاشقى كومەك ۋاقىتىنان كەشتەۋ بەرىلەتىن كەزدەر بولاتىنى ءمالىم. اتالعانداي جاعدايلاردىڭ الدىن الۋ ءۇشىن جانە ناۋقاستارعا كومەك قىلايىق دەگەن ويمەن جاس ونەرتاپقىشتار العاشقى كومەكتىڭ جەدەل كەلۋىن قامتاماسىز ەتەتىن ساعاتتى جاساپ شىعارعان.
ەكى وقۋشىنىڭ ونەرتابىسىن سىناپ كورۋ ءۇشىن كارديولوگ پەن پاتسيەنتتەردىڭ ءپورتاتيۆتى اپپاراتپەن ديناميكالىق باقىلاۋى جۇرگىزىلگەن. د.يسابەك پەن ا.تۇرسىنباي ەندى «اقىلدى ساعاتتى» ادامدار ءاردايىم تاعىپ جۇرۋىنە ىڭعايلى قىلىپ جاساۋدىڭ ادىستەرىن قاراستىرۋدا.
