كەزدەسۋ قارساڭىندا «توبىل» فۋتبول كلۋبىنىڭ باس جاتتىقتىرۋشىسى ميليچ چۋرچيچ پەن جارتىلاي قورعاۋشى رامازان ورازوۆ جۋرناليستەرمەن كەزدەسىپ, كوماندانىڭ جاۋاپتى ماتچقا دايىن ەكەنىن مالىمدەدى.
«الدىمىزدا اسا جاۋاپتى كەزدەسۋ كۇتىپ تۇر. قارسىلاسىمىز – ەۋروكۋبوك ويىندارىنا جىل سايىن قاتىسىپ جۇرگەن وتە مىقتى كوماندا. بىلتىر جارتىلاي فينالدا وينادى. «بازەلدىڭ» قۇرامىندا 3 جارىم - 4 ملن ەۋرو تۇراتىن فۋتبولشىلار وينايدى. بىزگە الداعى ويىن ءبىرىنشى كەزدەسۋدەن ەكى ەسە اۋىر تيەدى. ويتكەنى «بازەل» بۇل جولى تاس ءتۇيىن دايىندىقپەن كەلەتىنى ءسوزسىز. دەگەنمەن ءبىز دە قاراپ قالمايمىز. ەڭ باستىسى, بار كۇش-جىگەرىمىزدى سالىپ, جەڭىسكە جەتۋگە تىرىسامىز. جانكۇيەرلەرىمىزدىڭ دە قولداۋى اسا ماڭعىزدى», دەدى ميليچ چۋرچيچ.
شۆەيتساريادا وتكەن ءبىرىنشى ماتچتا «توبىل» الاڭ يەلەرىن 1:3 ەسەبىمەن ەسەڭگىرەتە ۇتقان. قوستاناي تورىندەگى قارىمتا ماتچ 3 تامىزدا ساعات 20:00-دە باستالادى.
