قوعامدىق ءتارتىپتى باقىلايدى

كۇن سايىن ەلوردالىق جەدەل­ بري­گادانىڭ مىڭنان استام اسكەري قىز­­مەتشىسى – وفيتسەرلەر, سەرجانتتار مەن ساربازدار 2 اۋىسىمدا ەلوردانىڭ 5 اكىمشىلىك اۋدانىندا قىزمەتكە كىرىسەدى. جاۋىنگەرلىك قىزمەتتىڭ ءبىرىنشى كۇنى ءبولىم كومانديرىنىڭ ءبىرىنشى ورىن­باسارى – شتاب باستىعى, پول­كوۆنيك ەرجان ابدىقالىقوۆ جاس­ ساربازداردىڭ قىزمەتىنە تابىس­ تىلەدى.

سونداي-اق اسكەري قىزمەت­شىلەردى استانا قالاسى جەر­گىلىكتى پوليتسيا باسقارماسى باستىعىنىڭ مىندەتىن اتقارۋشى, پوليتسيا پولكوۆنيگى ەرجان ادىلبەكوۆ جانە 5573 اسكەري ءبولىمىنىڭ ارداگەرلەر كەڭەسىنىڭ توراعاسى, زاپاستاعى پودپولكوۆنيك اباي ديسەنبەكوۆ قۇتتىقتادى.

پولكوۆنيك ەرجان ابدى­قا­­­­­­لىقوۆ جاۋىنگەرلىك قىز­مەت كەزىندە بريگادانىڭ اسكە­ري­ قىز­مەتشىلەرى ۇنەمى قىل­مىس فاكتىلەرىن اشىپ, قىلمىس­كەر­لەر­دى ۇستايتىنىن, ۇرلانعان زاتتار مەن ەسىرتكىلەردى تاپقانىن اتاپ ءوتتى. ولار سونداي-اق ازاماتتارعا جوعال­عان بالالاردى نەمەسە باس­قا تۋىستارىن تابۋعا ءجيى كومەك­تە­سەدى.

2023 جىلدىڭ ءبىرىنشى جار­تى­­­جىلدىعىندا ەلوردالىق بريگا­دا­نىڭ اسكەري قىزمەتشىلەرى 3 مىڭنان استام قۇقىق بۇزۋشىنى ۇستا­دى جانە پوليتسياعا تاپسىردى. وسى ۋاقىت ىشىندە ولار 80 رەت قىراعىلىق­تىڭ جارقىن ۇلگىسىن كورسەتتى,
37 ازا­­­ماتتى ۇستاۋعا كومەكتەستى جانە 2 800-گە­ جۋىق اكىمشىلىك قۇقىق بۇزۋشى­لىق­تار­دىڭ جولىن كەستى.

ايتا كەتەيىك, جۋىردا عانا ۇلتتىق ۇلان ساربازى سۋعا باتىپ ­بارا جاتقان سپورتشىنى قۇ­ت­قار­عان بولاتىن. 21 شىلدەدە ەلور­دا­داعى «ستۋدەنتتىك ساياباق­تا»­ قوعامدىق تىنىشتىقتى باقى­لاپ جۇرگەن ۇلتتىق ۇلانعا قاراس­تى 5573 اسكەري ءبولىمىنىڭ اسكەري جاسا­عى وزەن جاعاسىنان ءوتىپ بارا جاتىپ, سۋعا تۇنشىعىپ, كومەككە شاقىر­عان بالانى بايقاعان.

اسكەري جاساق باستىعى, قاتار­داعى جاۋىنگەر الىبەك نوعاەۆ بۇل تۋرالى راديوستانسا كومە­گى­مەن پاترۋلدىك توپتىڭ باستىعى قاتارداعى جاۋىنگەر احات ما­تاەۆ­قا­­ دەرەۋ بايانداي سالىسىمەن كيى­مىن شەشىپ, سۋىق سۋعا سەكىرگەن.

بەلگىلى بولعانداي, 12 جاسار بالا ەسكەك ەسۋ بويىنشا جاتتىعۋ كەزىندە جەل ەكپىنىنەن كانوەسى اۋدارىلىپ, سۋعا باتا باستاعان. وسىلايشا, قىراعى جاۋىنگەرلەردىڭ باتىل جانە دەر كەزىندەگى ارەكەتتەرى ونى اجالدان امان الىپ قالدى. بالا سپورتتىق جاتتىقتىرۋشى­سى­نا تابىس­تالدى. ولار قۇقىقتىق ءتار­تىپ قورعاۋشىلارىنا العىستارىن ايتتى.

قاتارداعى جاۋىنگەر الىبەك نوعاەۆ پەن اتالعان اسكەري جاساق­تىڭ­ بارلىق قۇرامى ەلور­دالىق جەدەل بريگادا كومان­دي­رىنىڭ العى­سىنا بولەندى.