ماسەلەن, 14 جاسقا دەيىنگىلەر اراسىندا ونەر كورسەتكەن ەركەجان جاڭاتاەۆا جەكەلەي سىندا ۇزدىك شىقتى. ول فينالدا گەرمانيالىق فرانچەسكا پارتسەلليمەن شەبەرلىك بايقاسىپ, ءۇش سەتكە جالعاسقان باسەكەدە كورت قوجايىنىن 4:6, 6:4, 6:2 ەسەبىمەن تىزە بۇكتىردى. سونداي-اق وسى جارىستىڭ جۇپتىق سىنىندا باق سىناعان ياروسلاۆ پشەنيچنىي مەن مانسۇر سايىنوۆ تا قارسىلاس شاق كەلتىرمەي, ءتۋرنيردىڭ باس جۇلدەسىن ولجالادى. ال گەرمانيالىق گۋديت پلامەن جۇپ قۇراپ ويناعان وتانداسىمىز ءاديا وماربەك فينالدا جەڭىلدى.
سونىمەن قاتار 16 جاسقا دەيىنگىلەر اراسىنداعى جارىستا تاعى ءبىر جەرلەسىمىز ءساتيما تورەگەن جەڭىس تۇعىرىنا كوتەرىلدى. ول سوڭعى باسەكەدە نەمىس يدا ۆوبكەردى قاپى قالدىردى – 6:3, 6:7 (4:7), 6:4. ۇلدار اراسىنداعى باسەكەدە روديون لۋكاشوۆ پەن ولجاس ەسەنالى فينالدىق باسەكەدە قارسىلاستارىنا جول بەرىپ, ەكىنشى ورىنعا تابان تىرەدى.
