تەكسەرىس ناتيجەسى بويىنشا ەسىل اۋداندىق پوليتسيا باسقارماسىنىڭ ۋچاسكەلىك ينسپەكتورى قىزمەتىنەن بوساتىلدى. ال جەرگىلىكتى پوليتسيانىڭ جۇمىسىن ۇيىمداستىرۋعا جاۋاپتى باس ۋچاسكەلىك ينسپەكتور مەن كەزەكىشىلىك ءبولىمىنىڭ جەدەل كەزەكشىسىنە ەسكەرتۋ جاسالدى. ەكەۋى دە قىزمەتىنە تولىعىمەن ساي ەمەس دەپ تانىلدى.
«ەسىل اۋداندىق پوليتسيا باسقارماسى باستىعىنىڭ ورىنباسارى قىزمەتىنەن بوساتىلدى. ال اۋداندىق باسقارمانىڭ باستىعىنا سوگىس جاريالاندى», دەلىنگەن رەسمي حابارلامادا.
شۇمەنوۆكە قاتىستى قىلمىستىق كودەكستىڭ 293-بابى «بۇزاقىلىق» بويىنشا سوتقا دەيىنگى تەرگەۋ ءجۇرىپ جاتىر. بوكسشىنىڭ ءوزى قاشىپ كەتتى. قازىر وعان رەسمي تۇردە مەملەكەتارالىق ىزدەۋ جاريالاندى.
ەستەرىڭىزگە سالا كەتەيىك كاسىپقوي بوكسشى بەيبىت شۇمەنوۆ استاناداعى ويىن-ساۋىق ورتالىقتارىنىڭ بىرىندە قولىندا بالاسى بار ەر اداممەن جانجالداسىپ, ونى بىرنەشە رەت ۇرعان. ۆيدەو الەۋمەتتىك جەلىدە تاراپ, قازاقستاندىقتاردىڭ نارازىلىعىن تۋدىردى.
