قاراعاندى وبلىسىنىڭ اكىمى ەرماعانبەت بولەكپاەۆ قايتىس بولعان بالانىڭ اتا-اناسىنا كوڭىل ايتتى.
«قاراعاندى قالاسىندا قايعىلى جاعداي بولدى. سالدارىنان ءبىر بالا قايتىس بولدى. قايتىس بولعان بالانىڭ اتا-اناسىنا قايعىرا كوڭىل ايتامىن. قازىر بىرنەشە بالاعا دارىگەرلەر تاراپىنان كومەك كورسەتىلىپ جاتىر. قىلمىستىق ءىس قوزعالدى. جاعداي تەرگەپ-تەكسەرىلۋدە. وسىنداي جاعدايعا جول بەرگەندەردىڭ بارلىعى قاتاڭ جازالاناتىن بولادى. اۋرۋحانادا جاتقان بالالاردىڭ دەنساۋلىعىن نىعايتۋ ءۇشىن بارلىق كۇش-جىگەردى سالىپ جاتىرمىز. سۇراقتار كوپ. ورتالىقتاعى 147 بالا ەرەكشە باقىلاۋعا الىندى», دەدى ەرماعانبەت قابدۋلا ۇلى.
ايتا كەتسەك, جاعدايدى انىقتاۋ ءۇشىن ارنايى كوميسسيا قۇرىلدى. 12 قىزمەتكەر جۇمىستان شەتتەتىلدى. بالالاردىڭ جاعدايىن باسقا مەكەمەدەن كەلگەن ماماندار قاداعالاپ جاتىر.
«بۇل جاعداي جاي قالمايدى. كىنالىلەر قاتاڭ جازالانادى. تەرگەۋ امالدارى ورىندالۋدا. قازىرگى مىندەتىمىز – قالعان بالالاردىڭ ءومىرىن ساقتاپ قالۋ», دەدى ءوڭىر باسشىسى.
قاسىمحان عالىم,
قاراعاندى وبلىسى
