انىقتالعانداي, كونتروللەر-كاسسير شامامەن 1 000 000 تەڭگەدەن 4 000 000 تەڭگەگە دەيىن اقشانى بولشەكتەپ, كاسسادان ۇرلاعان.
«بانكتىڭ 2021-2023 جىلدار ارالىعىنداعى بەينەباقىلاۋ كامەرالارىنىڭ جازبالارى تاركىلەندى, وندا كاسسادان حالاتتىڭ جەڭىنە ورالعان اقشالاردى شىعارۋ ارقىلى ۇرلاۋ فاكتىلەرى تىركەلگەن. كۇدىكتى جاساعان قىلمىستىق قۇقىق بۇزۋشىلىقتى تولىق مويىندادى», دەلىنگەن حابارلامادا.
سوتقا دەيىنگى تەرگەپ-تەكسەرۋ بارىسىندا بۋكمەكەرلىك كەڭسەدەن ونىڭ اتىنا تىركەلگەن شوتىنان اقپارات الىنىپ, سوڭعى 3,5 جىلدا ەسەپشوتقا 158 ملن تەڭگە تۇسكەنى انىقتالدى. سونىمەن قاتار ونىڭ اتىنا جانە جۇبايىنىڭ اتىنا تىركەلگەن ابونەنتتىك نومىرلەردەن بۋكمەكەرلىك كەڭسەلەردىڭ ەسەپشوتىنا اقشا اۋدارۋ بويىنشا وپەراتسيالار جۇرگىزىلگەنى تۋرالى اقپارات كەلىپ ءتۇستى.
كۇدىكتى قاماۋعا الىنىپ, ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسىپ جاتىر. قر قپك 201-بابىنا سايكەس وزگە مالىمەتتەر جاريا ەتىلۋگە جاتپايدى.
قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.
