حورەزم, بۇحارا, ناۋاي, جىزاق, سىرداريا جانە تاشكەنت وبلىسىنان كەلگەن مادەني ورتالىق باسشىلارى مەن ۇلت زيالىلارى ماڭىزدى ءىس-شارادا ءوزارا پىكىر الماسىپ, ءوز ويلارىن ورتاعا سالدى.
كەزدەسۋدە «وتانداستار قورىنىڭ» شەتتەگى جانە ەلدەگى اتقارعان جۇمىستارى مەن جوسپارلارى تۋرالى اڭگىمەلەگەن قوعام پرەزيدەنتى ابزال ساپاربەك ۇلى مەملەكەت باسشىسى قاسىم-جومارت توقاەۆتىڭ تۇركىستاندا وتكەن ۇلتتىق قۇرىلتايداعى «شەتەلدەگى قانداستارىمىزبەن تىعىز قارىم-قاتىناس ورناتىپ, رۋحاني بايلانىستى نىعايتا بەرەمىز. بۇل ماسەلە – مەنىڭ جەكە نازارىمدا» دەگەن ءسوزىن ەسكە سالىپ, قانداس جاستارعا, ەلگە كوشىپ كەلەتىن قانداستارعا ارنالعان مەملەكەتتىك قولداۋعا كەڭىنەن توقتالدى.
ءوز كەزەگىندە قانداستارىمىز قازاق مەكتەپتەرىندەگى مۇعالىمدەردىڭ بىلىكتىلىگىن ارتتىرۋ, جاستاردىڭ قازاقستاندىق جوو-عا ءتۇسۋ ءۇشىن ۇبت تاپسىرۋداعى قيىندىقتارى, قازاق تىلىندە كىتاپتار مەن مادەني ءىس-شارالارعا دەگەن سۇرانىستار تۋرالى ويلارىمەن ءبولىسىپ, ۇسىنىستارىن جەتكىزدى.
جيىن سوڭىندا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ العىس حاتتارىمەن «نۇرلى جول» گازەتىنىڭ رەداكتورى عۇلامزاكىر يۋسۋپوۆ پەن «كەنيمەح تاڭى», «تامدى شارۋاگەرى» گازەتىنىڭ شىعارۋشى رەداكتورى گۇلدانا نارىنبەتوۆا ماراپاتتالدى.
سونداي-اق بىرقاتار قازاق ورتالىقتارىنا ۇلتتىق بي كويلەك توپتامالارى مەن وتانداستار قورىنىڭ ء«ار قازاققا ءبىر كىتاپ» اكتسياسى شەڭبەرىندە جينالعان كىتاپتار تارتۋ ەتىلدى.
