فوتو: قر كاسىپوداقتار فەدەراتسياسى
كەلىسىمگە ازەربايجان كاسىپوداقتار كونفەدەراتسياسىنىڭ توراعاسى ساتتار موحباليەۆ, قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين, «Türk-İş» تۇرىك كاسىپوداقتارى كونفەدەراتسياسىنىڭ پرەزيدەنتى ەرگيۋن اتالاي, وزبەكستان كاسىپوداقتار فەدەراتسياسى توراعاسىنىڭ ورىنباسارى باحتيەر ماحماداليەۆ قول قويدى.
قىرعىزستان ۇيىمعا باقىلاۋشى مارتەبەسىندە قاتىسادى. جاڭا قۇرىلىمنىڭ نەگىزگى ماقساتى – ەڭبەككەرلەردىڭ الەۋمەتتىك, ەڭبەك, كاسىپتىك, ەكونوميكالىق قۇقىقتارى مەن مۇددەلەرىن قورعاۋ جونىندەگى ءىس-شارالاردى بىرىكتىرۋ.
سالتاناتتى شارادا ءسوز سويلەگەن ازەربايجان, قازاقستان, تۇركيا جانە وزبەكستاننىڭ كاسىپوداقتار كونفەدەراتسياسىنىڭ توراعالارى ۇيىمنىڭ ماڭىزدىلىعىن ءبىراۋىزدان اتاپ ءوتتى.
الداعى ىنتىماقتاستىقتىڭ نەگىزگى باعىتتارىنىڭ قاتارىندا الدىڭعى قاتارلى كاسىپوداق تاجىريبەسىن ىلگەرىلەتۋ, تاجىريبە الماسۋ جانە جالپى تۇركى مەملەكەتتەرىنىڭ ەڭبەك نارىعىنداعى جاعدايدى وزگەرتۋ جايىندا ايتىلدى.
ۇلتتىق كاسىپوداق ورتالىقتارىنىڭ باسشىلارى جاڭا قۇرىلىمنىڭ قۇرىلۋى ءار ەلدىڭ كاسىپوداق قوزعالىسى ومىرىندەگى ايتۋلى وقيعا ەكەنىن اتاپ كەتتى.
ازەربايجان, قازاقستان, تۇركيا, قىرعىزستان جانە وزبەكستان ۇلتتىق كاسىپوداق ورتالىقتارىنىڭ باسشىلارى «شەيىتتەر» اللەياسىنداعى ماڭگىلىك الاۋعا گۇل شوقتارىن قويىپ, باكۋدەگى قۇرمەت اللەياسىندا بولىپ, ازەربايجاننىڭ تۇڭعىش پرەزيدەنتى گەيدار اليەۆتىڭ رۋحىنا تاعزىم ەتتى.
