فوتو: وقۋ-اعارتۋ مينيسترلىگى. ينستاگرام.
سپۋتنيكتىك روبوت تەحنيكاسى ۇيىرمەسىندەگى وقۋشىلار ءبىر جىل ىشىندە ايتارلىقتاي جەتىستىكتەرگە قول جەتكىزىپتى. ولار عارىشتاعى نانوسپۋتنيكپەن بايلانىس ورناتىپ, اۋا تەمپەراتۋراسى, قىسىم, ىلعالدىلىق پەن اۋانىڭ لاستانۋى تۋرالى مالىمەتتەر جيناعان ەكەن. بىلتىرعى جىلى اتموسفەرانىڭ جوعارعى قاباتىنا, سەنسورلارمەن جانە كامەرالارمەن جابدىقتالعان سالماعى 1-دەن 10 كەلىگە دەيىن عانا بولاتىن شاعىن عارىش اپپاراتتارىن, ياعني, 2 زاماناۋي نانوسپۋتنيك ۇشىرىلىپ, اتموسفەراعا قاتىستى ءبىرشاما اقپارات الىنىپتى.
بولاشاق عالىمدار ەندى قازان ايىندا جۇلدىزدى اسپاندى زەرتتەۋگە كومەكتەسەتىن تاعى ءبىر نانوسپۋتنيك قۇراستىرۋدى جوسپارلاپ وتىر.
اتالعان ۇيىرمەگە 12 جاستان اسقان عىلىمعا, تەحنولوگياعا, تەحنيكا مەن ماتەماتيكاعا قىزىعاتىن كەز كەلگەن وقۋشىنىڭ قاتىسۋ مۇمكىندىگى بار.
