وعاش وزگەرىستى كورشىلەرى بايقاپتى. سەگىز ايلىق ءسابيى جوعالىپ كەتسە دە, اتا-اناسىندا ەشبىر الاڭداۋشىلىق بولماعانى جانە ولاردىڭ قىمبات تەلەفون ساتىپ العانى كورشىلەردىڭ كۇدىگىن تۋعىزعان.
قىسىمعا ۇشىراعان ايەل كۇيەۋى ەكەۋى iPhone ساتىپ الۋ ءۇشىن بالاسىن ساتقانىن مويىنداعان. بۇل ولارعا بەنگاليانى ارالاپ, ساپارلارىنان روليكتەر ءتۇسىرىپ, الەۋمەتتىك جەلىگە جۇكتەۋگە مۇمكىندىك بەرگەن.
ودان دا سوراقىسى, بالانىڭ اكەسى ءسابيىن ساتپاس بۇرىن, جەتى جاسار قىزىن ساتپاقشى بولعان ەكەن.
جەرگىلىكتى پوليتسيا ساتي ەسىمدى ايەلدى ۇستاعان, بىراق ول قاشىپ ۇلگەرگەن. ونىڭ كۇيەۋى دجايدەۆ گوش ءالى ىزدەستىرىلۋدە. پوليتسيا ەرلى-زايىپتىلاردىڭ ۇستىنەن قىلمىستىق ءىس قوزعادى, بالانى ساتىپ العان ايەل دە ادام ساۋداسى ءۇشىن قىلمىستىق جاۋاپكەرشىلىككە تارتىلادى.
ءۇندىستاندا ماتەريالدىق پايدا ءۇشىن بالالارىن ساتۋعا بارعان جۇپتار بۇعان دەيىن دە بولعان ەكەن.
