«شامامەن ساعات 17.00-دە 1968 جىلعى تۇرعىن ءوزىنىڭ ەگىستىك القابىندا تىركەلمەگەن مىلتىقپەن ەكى جىلقىنى اتىپ تاستاعان. سونىڭ سالدارىنان 1961 جىلعى تۇرعىنعا 1,2 ملن تەڭگە كولەمىندە زالال كەلتىرىلگەن. اتالعان دەرەك بويىنشا 25 شىلدە كۇنى تەرەكتى اۋدانى پوليتسيا ءبولىمى قر قك 202-بابى 1-بولىمىنە (بوتەننىڭ مۇلكىن قاساقانا جويۋ نەمەسە ءبۇلدiرۋ) سايكەس قىلمىستىق ءىس قوزعاپ, تەرگەۋ امالدارىن باستادى. سونىڭ بارىسىندا حاتتامامەن 1968 جىلعى تۇرعىننان 16 ۇڭعىلى مىلتىق الىنىپ, بقو پوليتسيا دەپارتامەنتىنىڭ جەدەل كريميناليستيكالىق باسقارماسىنا زەرتتەۋگە جىبەرىلدى. مىلتىقتى زاڭسىز ساقتاعانى ءۇشىن اتالعان ازاماتتى اكىمشىلىك جاۋاپكەرشىلىككە تارتۋ ماسەلەسىن قاراۋ ءۇشىن ماتەريال جەرگىلىكتى پوليتسيا قىزمەتى بولىمىنە جولداندى», دەپ حابارلادى ۆەدومستۆودان.
اۋىل تۇرعىنى عادىل سارباەۆتىڭ ايتۋىنشا, جىلقى «قارابۇلاق» شارۋا قوجالىعىنا تيەسىلى. قوجالىق ءىنىسى مارات سارباەۆتىڭ اتىندا.
«اتىلعان وقتان تاعى ەكى جىلقى جاراقاتتانعان», دەدى ع. سارباەۆ.
