«بيىل مەملەكەتتىك ءبىلىم بەرۋ تاپسىرىس كولەمى 50 مىڭ ورىنعا ارتتى. جالپى كوللەدجدەرگە مەملەكەتتىك تاپسىرىس بويىنشا 130 مىڭنان استام تالاپكەردى قابىلداۋ جوسپارلانىپ وتىر», دەلىنگەن حابارلامادا.
مينيسترلىكتىڭ حابارلاۋىنشا, مەملەكەتتىك تاپسىرىس تەحنيكالىق ماماندىقتارعا باعىتتالىپ, گەولوگيا, تاۋ-كەن ونەركاسىبى, ەنەرگەتيكا, مەتاللۋرگيا جانە ماشينا جاساۋ, كولىك, IT, قۇرىلىس جانە كوممۋنالدىق شارۋاشىلىق جانە ت. ب. باعىتتار بويىنشا كوبەيەدى.
بىلتىردان باستاپ كاسىپورىنداردىڭ ءوتىنىمى بويىنشا كادرلاردى ماقساتتى دايارلاۋ ەنگىزىلدى. بۇل رەتتە جۇمىس بەرۋشى پراكتيكانى ۇيىمداستىرۋ جانە كوللەدج تۇلەكتەرىن ودان ءارى جۇمىسقا ورنالاستىرۋ مىندەتتەمەسىن الادى.
مينيسترلىك بيىل كاسىپورىنداردىڭ ءوتىنىمى بويىنشا قوسىمشا 10 مىڭ ستۋدەنتتى قابىلداۋ جوسپارلانىپ وتىرعانىن مالىمدەدى.
