«ول ءابليازوۆ باسقارعان «BSC» جشس-نىڭ نومينالدى ديرەكتورى بولعان. ءابليازوۆ جانە ونىڭ سىبايلاستارى وسى كومپانيانى زاڭسىز نەسيەلەندىرۋ ارقىلى بتا بانكتەن اسا ءىرى كولەمدە قاراجات جىمقىرعان. نۇرعازين سوتتالۋشى بولا تۇرا, ەشقايدا كەتپەۋ تۋرالى مىندەتتەمەسىن بۇزا وتىرىپ, قىلمىستىق جاۋاپكەرشىلىكتەن جالتارۋ ماقساتىندا سوتتان جاسىرىنعان. 12 جىل بويى ليتۆا اۋماعىندا جاسىرىنىپ, سول جەردە بوسقىن مارتەبەسىن العان. نۇرعازين قازاقستانعا ءوز ەركىمەن ورالۋعا نيەت ءبىلدىردى. 2023 جىلعى 24 شىلدەدە پاسپورتتىق باقىلاۋدان وتكەننەن كەيىن ول ۇستالىپ, ۋاقىتشا ۇستاۋ يزولياتورىنا قامالدى», دەپ حابارلادى ۆەدومستۆو.
باس پروكۋراتۋرا وكىلدەرىنىڭ ايتۋىنشا, نۇرعازيننىڭ جاسى مەن دەنساۋلىق جاعدايى ەسكەرىلىپ, 2023 جىلدىڭ 25 شىلدەسىندە سوت وعان بۇلتارتپاۋ شاراسىن ۇيقاماققا الۋ دەپ وزگەرتتى.
«جاقىن ارادا باستى سوت تالقىلاۋى قايتا باستالادى. ونىڭ جاۋاپكەرشىلىگىنىڭ كولەمىن سوت ايقىندايتىن بولادى», دەپ قوستى باس پروكۋراتۋرانىڭ ءباسپاسوز قىزمەتى.
