25 شىلدە كۇنى تاڭەرتەڭ تۇركيانىڭ وڭتۇستىگىندەگى ادانا پروۆينتسياسىنىڭ قوزان اۋدانىندا ماگنيتۋداسى 5,5 بولاتىن جەر سىلكىنىسى بولدى. جەراستى دۇمپۋلەرى جەرگىلىكتى ۋاقىت بويىنشا 08:44-تە تىركەلگەن. وشاق 12 شاقىرىم تەرەڭدىكتە جاتىر.
ەكى ساعاتتان كەيىن قوزان وبلىسىندا سەيسمولوگتار ماگنيتۋداسى 3,8 بولاتىن جەر سىلكىنىسىن تىركەدى. قاينار كوزى 5 شاقىرىم تەرەڭدىكتە جاتىر.
ءدال وسى اۋداندا ماگنيتۋداسى 4,6 بولاتىن تاعى ءبىر جەر سىلكىنىسى جەرگىلىكتى ۋاقىت بويىنشا ساعات 10:57-دە بولدى.
زارداپ شەككەندەر تۋرالى مالىمەت جوق.
ەسكە سالا كەتەيىك, 6 اقپاندا تۇركيانىڭ وڭتۇستىك-شىعىسىندا ماگنيتۋداسى جەتى باللدان اساتىن ەكى جەر سىلكىنىسى بولدى (جەرگىلىكتى ۋاقىت بويىنشا 04:17-دە – 7,7 بالل جانە 13:24-تە – 7,6 بالل). كۇشتى جەر استى دۇمپۋلەرى كورشىلەس ەلدەردە, سونىڭ ىشىندە سيريا, ليۆان, كيپر جانە يراكتا دا سەزىلدى. تۇركياداعى جويقىن جەر سىلكىنىسىنەن 50 مىڭنان استام ادام زارداپ شەككەن ەدى.
