جۇزدەسۋ بارىسىندا سەناتورعا مەديتسينالىق مەكەمەنى دامىتۋ جوسپارلارى تۋرالى جان-جاقتى اقپاراتتار ايتىلدى.
دارىگەرلەر قولجەتىمدى باسپانا باعدارلاماسى, مەديتسينا قىزمەتكەرلەرىنىڭ دەمالىس كۇندەرىنىڭ سانىن ۇلعايتۋ, مەديتسينالىق ساقتاندىرۋ جانە ءدارى-دارمەكتەردىڭ باعاسىنىڭ وسۋىنە قاتىستى بىرقاتار پروبلەمالىق ماسەلەلەردى كوتەردى.
بيبىگۇل جەكسەنباي ءوز كەزەگىندە پارلامەنتشىلەر كوتەرىلگەن بارلىق ماسەلەلەردى نازاردا ۇستايتىنىن اتاپ ءوتتى جانە حالىقتىڭ الەۋمەتتىك جاعدايىن جاقسارتۋ سالاسىنداعى پالاتانىڭ زاڭنامالىق قىزمەتى تۋرالى حاباردار ەتتى.
«جاقىندا جاڭا الەۋمەتتىك كودەكس قابىلداندى. بۇل ەلىمىزدىڭ الەۋمەتتىك ساياساتىن جاقسارتۋداعى ماڭىزى زور قادام ەكەنى داۋسىز. جاڭا الەۋمەتتىك ساياسات – مەملەكەت باسشىسى جاريالاعان اۋقىمدى وزگەرىستەردىڭ ءبىرى بولىپ تابىلادى. ءار وتباسىندا جاڭا تسيفرلىق كارتانىڭ بولۋى, جۇمىسپەن قامتۋ سالاسىندا جاڭا تاسىلدەردى ەنگىزۋ جانە ارناۋلى الەۋمەتتىك قىزمەتتەر جۇيەسىن جەتىلدىرۋ دە سونداعى جاڭالىقتاردىڭ ىشىندە. بۇل ءبىزدىڭ وتانداستارىمىزدىڭ ومىرىنە دە, سالا قىزمەتكەرلەرىنە دە وڭ اسەرىن تيگىزەدى», دەپ اتاپ ءوتتى سەناتور.
