فوتو: ءىىم ءباسپاسوز قىزمەتى
استاناداعى ستۋدەنتتىك ساياباقتا سۋعا تۇنشىعىپ, كومەككە شاقىرعان بالانى قوعامدىق ءتارتىپتى باقىلاپ جۇرگەن ۇلتتىق ۇلانعا قاراستى 5573 اسكەري ءبولىمىنىڭ اسكەري جاساعى ولىمنەن امان ساقتاپ قالدى.
راديوستانتسيا كومەگىمەن پاترۋلدىك توپتىڭ باستىعىنا حابار بەرگەننەن كەيىن سۋعا سەكىرىپ, بالانى قۇتقارعان اسكەري جاساق باستىعى قاتارداعى جاۋىنگەر الىبەك نوعاەۆ.
بەلگىلى بولعانداي, 12 جاسار بالا ەسكەك ەسۋدەن جاتتىعۋ بارىسىندا جەل ەكپىنىنەن كانوەسى اۋدارىلعاندىقتان ءولىم قاتەرى ءتونىپ, سۋعا باتا باستاعان. جاۋىنگەردىڭ باتىل ءارى شۇعىل ارەكەتى ونى اجالدان اراشالادى.
اتالمىش اسكەري جاساقتاعى جاۋىنگەرلەردىڭ بارلىعى ەلوردالىق جەدەل بريگادا كومانديرىنىڭ العىسىنا بولەندى.
