فوتو: El.kz
بيىل ۇلىتاۋ وبلىسىندا 1812 ءجاڭا پاتەردىڭ كىلتى تاپسىرىلۋى ءتيىس. وبلىستىڭ قالالارى مەن اۋداندارىندا جالپى كولەمى 120 مىڭ شارشى مەتردى قۇرايتىن 28 كوپقاباتتى تۇرعىن ءۇي قۇرىلىسىنىڭ ىشىندە 14 كوپقاباتتى تۇرعىن ءۇي رەسپۋبليكالىق بيۋدجەت قاراجاتى ەسەبىنەن بوي كوتەرەدى.
جەزقازعان قالاسىندا 298 پاتەرلى 6 تۇرعىن ءۇي سالىنادى. ال ساتباەۆ قالاسىندا 3 تۇرعىن ءۇيدىڭ قۇرىلىسى باستالىپ كەتكەن.
سونىمەن بىرگە وبلىستىڭ جاڭاارقا اۋدانىندا 5 تۇرعىن ۇيدەن كەلەسى جىلعا دەيىن 228 پاتەر كىلتى تابىستالادى.
اتالعان جوسپارلاردان بولەك جەكە قۇرىلىس سالۋشىلارمەن جەزقازعان تورابىندا 4 ءۇي, ساتباەۆ قالاسىندا 2 تۇرعىن ءۇي قۇرىلىسىن باستاۋ جوسپاردا بار.
«وبلىس بويىنشا 5000-نان استام ادام باسپانا كەزەگىندە تۇر, ول ءۇشىن ءبىز قالالىق جانە رەسپۋبليكالىق بيۋدجەتتەن اقشا سۇراتىپ جاتىرمىز. رەسپۋبليكالىق بيۋدجەتتەن 7 نەسيەلىك ءۇي سالۋعا ءوتىنىم وتكىزىپ قويدىق, قازىر سونى كۇتىپ وتىرمىز. ودان بولەك جەكە كاسىپكەرلەردىڭ سالىپ جاتقان ۇيلەرى بار», دەپ مالىمدەدى ۇلىتاۋ وبلىسىنىڭ قۇرىلىس, ساۋلەت جانە قالا قۇرىلىسى باسقارماسى باسشىسىنىڭ م.ا. باقتيار پاردابەكوۆ.
سونداي-اق بيىل پرەزيدەنتتىڭ تاپسىرماسىنا سايكەس ورتالىق مەملەكەتتىك جانە قۇقىق قورعاۋ ورگاندارىنىڭ بولىمشەلەرىنە ورنالاستىرىلعان مەملەكەتتىك قىزمەتشىلەردى تۇرعىن ۇيمەن قامتاماسىز ەتۋ ءۇشىن قر ۇكىمەتىنىڭ رەزەرۆى ەسەبىنەن 11 كوپقاباتتى تۇرعىن ءۇيدىڭ قۇرىلىسىن باستاۋ جوسپارلانعان.
