بيىل «قازاقستاندا جاسالعان» باعدارلاماسىن جۇزەگە اسىرۋعا 15 ملرد تەڭگە ءبولىندى. KazAgroFinance bot-قا ءوتىنىم بەرگەننەن كەيىن كليەنت 5 جۇمىس كۇنى ىشىندە قاجەتتى قۇجاتتاردى جينايدى. كليەنتتەردىڭ بۇرىن بەرىلگەن وتىنىمدەرى بويىنشا قۇجاتتاردى ۇسىنباۋىنا بولادى. سونداي-اق ءوتىنىم بەرۋ كەزىندە قاتە دەرەكتەردى ەنگىزۋىنە بايلانىستى بولىنگەن ليميت شەڭبەرىندە 7 ملرد تەڭگە كولەمىندەگى قاراجات يگەرىلمەي قالعان.
وسىعان بايلانىستى, الداعى 24 شىلدەدەن باستاپ «قازاگروقارجى» اق «قازاقستاندا جاسالعان» باعدارلاماسى بويىنشا وتاندىق ءوندىرىستىڭ, قۇراستىرۋدىڭ اۋىل شارۋاشىلىعى تەحنيكاسىن ليزينگكە قارجىلاندىرۋعا وتىنىمدەردى قابىلداۋدى بىرنەشە شارتپەن قايتا باستايدى.
ليزينگكە بەرىلەتىن جابدىقتار – وتاندىق وندىرىستە, قۇراستىرىلعان اسپالى, تىركەمەلى جانە وزدىگىنەن جۇرەتىن اۋىل شارۋاشىلىق تەحنيكالارى.
نەسيەنىڭ جىلدىق مولشەرلەمەسى 6 پايىزدى قۇرايدى. ليزينگ مەرزىمى – 10 جىلعا دەيىن. اۆانستىق تولەم – ليزينگكە الىنعان اكتيۆ قۇنىنىڭ 15 پايىزىنان باستالادى. كەپىلدىك كەرەك ەمەس. سونداي-اق, قارجىلاندىرۋ ءليميتى 120 ملن تەڭگەدەن جانە ليزينگ زاتىنىڭ 2 بىرلىگىنەن اسپايدى.
