40 جاسار ميحايل رادۋگا جاقىندا كوشىپ كەلگەن الماتىداعى ۇيىندە وزىنە ترەپاناتسيا جاساعان. ونى جاساۋدىڭ الدىندا, ول ساعاتتار بويى يۋتۋبتا نەيروحيرۋرگتەردىڭ جۇمىسى تۋرالى بەينەروليكتەردى زەرتتەگەن, تىپتەن, بەس قويعا ەكسپەريمەنت جاساپ كورگەن. سوڭىرا ميحايل رادۋگا ءوز باسىن بۇرعىلاپ, تەرىنى قىستىرعىشتارمەن بەكىتىپ, ميىنا ەلەكترودتى يمپلانتاتسيالاعان.
ول وپەراتسيا كەزىندە ارەڭ امان قالعان.
ميحايلدىڭ ءبىر عانا ماقساتى بولعان. ول باسىنا ورناتىلعان ەلەكترود ميدىڭ موتورلىق قىرتىسىن ىنتالاندىرا وتىرىپ, ۇيىقتاعان كەزدە وعان ءوزىنىڭ تۇستەرىن باسقارۋعا كومەكتەسەدى دەپ ويلاعان.
اتالعان وپەراتسيا تۋرالى ەستىگەن وكسفورد ۋنيۆەرسيتەتىنىڭ كەڭەسشىسى, نەيروحيرۋرگ الەكس گرين ميحايلدىڭ ينسۋلت الۋى نەمەسە ەپيلەپسياعا شالدىعۋى مۇمكىن ەكەنىن ايتقان.
