ناتيجەسىندە تۇركىستان وبلىسى سارىاعاش اۋداندىق سوتىنىڭ توراعاسىن قىزمەتىنەن بوساتۋ تۋرالى ماسەلە كوتەرىلدى.
ەستەرىڭىزگە سالا كەتەيىك, بۇعان دەيىن تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنىن حابارلاعانبىز.
مەملەكەت باسشىسى وقيعانىڭ ءمان-جايىن مۇقيات تەكسەرۋدى تاپسىردى.
14 شىلدە كۇنى كىسى قولىنان كوز جۇمعان 5 جاسار ءبۇلدىرشىننىڭ دەنەسى جەر قوينىنا تاپسىرىلدى.
كەيىنىرەك سارىاعاشتا قىز زورلادى دەگەن كۇدىكتى مۇنىڭ الدىندا ادام ءولتىرىپ, 10 جىل تۇرمەدە وتىرىپ كەلگەنى ءمالىم بولدى.
وسى ءىس بويىنشا سالعىرتتىق تانىتقان پروباتسيا قىزمەتكەرلەرىن تەكسەرۋ باستالدى.
تۇركىستان وبلىسىنىڭ اكىمى كىسى قولىنان قازا تاپقان 5 جاسار قىزدىڭ شاڭىراعىندا بولىپ, تۋىستارىنا كوڭىل ايتقان ەدى.
كۇدىكتىنى 2 اي مەرزىمگە كۇزەتپەن ۇستاۋ تۇرىندەگى بۇلتارپاۋ شاراسى سانكتسيالاندى.
