مەملەكەت باسشىسىنىڭ ء«تاريفتى ينۆەستيتسياعا ايىرباستاۋ» قاعيداتى بويىنشا تاريفتىك ساياساتتى جەتىلدىرۋ جانە حالىقتىڭ تابىسى مەن ءال-اۋقاتىن ارتتىرۋ جونىندەگى تاپسىرماسىن ورىنداۋ اياسىندا 2022 جىلعى 30 جەلتوقساندا «تابيعي مونوپوليالار تۋرالى» زاڭعا وزگەرىستەر ەنگىزۋ تۋرالى زاڭ قابىلداندى, وندا بىرقاتار جاڭالىقتار بەلگىلەندى.
جاڭارتىلعان قۇجاتقا سايكەس تابيعي مونوپوليالار سۋبەكتىلەرىنىڭ ءتاريفتى ونىڭ قولدانىلۋ مەرزىمى اياقتالعانعا دەيىن تۇزەتۋگە ۋاكىلەتتى ورگانعا ءوتىنىم بەرۋىنىڭ نەگىزدەرى تولىقتىرىلدى.
وسىعان بايلانىستى قالا تۇرعىندارىنا كوممۋنالدىق قىزمەت كورسەتەتىن كاسىپورىندار دەپارتامەنتكە تاريفتەردىڭ دەڭگەيىن قايتا قاراۋ بويىنشا وتىنىمدەر بەردى. ونىڭ نەگىزدەرى كەلەسىدەي:
1) كوممۋنالدىق جەلىلەردى جانە كورسەتىلەتىن قىزمەتتەردى ۇسىنۋ كەزىندە پايدالانىلاتىن ىسكە قوسىلعان اكتيۆتەردىڭ توزۋىن ازايتۋ ماقساتىندا قوسىمشا ينۆەستيتسيالار;
2) قر ەنەرگەتيكا مينيسترلىگىنىڭ ەلەكتر ەنەرگياسىن وندىرۋگە ارنالعان ءتاريفتى كوتەرۋى;
3) وڭىردەگى ءتيىستى سالاداعى ورتاشا ايلىق اتاۋلى جالاقىنى ورتاشا ستاتيستيكالىق دەڭگەيگە دەيىن ۇلعايتۋ;
4) تابيعي مونوپوليالار سۋبەكتىسىنىڭ رەتتەلىپ كورسەتىلەتىن قىزمەتتەردى ۇسىنۋ كەزىندە پايدالانىلاتىن م ۇلىكتىڭ بالانسىنا جەرگىلىكتى اتقارۋشى ورگاننىڭ قابىلداۋى.
بۇگىنگى كۇنى 2023 جىلعى 1 تامىزدان باستاپ ەنگىزىلەتىن جىلۋ ەنەرگياسىن جەتكىزۋ ءتاريفىن قوسپاعاندا, 2023 جىلعى 1 شىلدەدەن باستاپ ەنگىزىلگەن تابيعي مونوپوليالاردىڭ بارلىق بازالىق سۋبەكتىلەرى بويىنشا تاريفتەرگە تۇزەتۋلەر بەكىتىلدى.
دەگەنمەن تۇزەتۋلەردى ەسكەرگەننىڭ وزىندە استاناداعى كوممۋنالدىق قىزمەتتەرگە تاريف ورتاشا رەسپۋبليكالىق تاريفتەن تومەن بولىپ قالادى.
سالىستىرمالى تۇردە الار بولساق, الماتىدا جىلۋ ەنەرگياسىنىڭ ءتاريفى (ققس ەسەپتەمەگەندە) 5 504,17 تەڭگە/گكال, قاراعاندىدا – 3 776 تەڭگە/گكال, ال استانادا – 2 765 تەڭگە/گكال.
ەلوردادا سۋدىڭ تەكشە مەترىنىڭ قۇنى (ققس ەسەپتەمەگەندە) 58,15 تەڭگەگە, قاراعاندىدا – 120,72 تەڭگەگە, اقتوبە وبلىسىندا – 93,55 تەڭگەگە, سقو-دا – 81,51 تەڭگە.
وسىلايشا, جاڭا تاريفتەردى ەسكەرە وتىرىپ, سۋمەن جابدىقتاۋ جانە كارىز ءۇشىن تۇبىرتەك بويىنشا ەكى بولمەلى پاتەرگە ورتاشا چەك (30 م3) شامامەن 300 تەڭگەگە 1 448 تەڭگەدەن 1 748 تەڭگەگە دەيىن نەمەسە 20%-عا, جىلۋمەن جابدىقتاۋ بويىنشا (1,25 گكال) 650 تەڭگەگە 3218 تەڭگەدەن 3871 تەڭگەگە دەيىن, ەلەكترمەن جابدىقتاۋ بويىنشا (94 كۆتساع) 335 تەڭگە 1968 جىلدان 2303 تەڭگەگە دەيىن ءوستى.
ءبىر بولمەلى پاتەر ءۇشىن سۋمەن جابدىقتاۋ جانە كارىز ءۇشىن تولەم (20 م3) شامامەن 200 تەڭگەگە وسەدى – 960 تەڭگەدەن 1 160 تەڭگەگە دەيىن, جىلۋمەن جابدىقتاۋ ءۇشىن (0,7 گكال) 360 تەڭگەگە – 1776 تەڭگەدەن 2137 تەڭگەگە دەيىن, ەلەكترمەن جابدىقتاۋ (72 كۆتساع) 200 تەڭگەگە قىمباتتايدى – 1220 تەڭگەدەن 1420 تەڭگەگە دەيىن.
