مادەني ءىس-شارادا باتىر دا ەرجۇرەك اتا-بابالارىمىز كيگەن
ساۋىت-سايمان مەن قارۋ-جاراق ۇلگىلەرى كوپشىلىكتىڭ نازارىنا ۇسىنىلدى. فەستيۆالدە جاۋىنگەرلەردىڭ جەكپە-جەك سايىسى, قارۋدى پايدالانۋدىڭ ءادىس-تاسىلدەرى مەن تەڭگە ءىلۋ, اۋدارىسپاق, جامبى اتۋ, كوكپار سىندى ۇلتتىق ويىندار كورسەتىلدى.
«NOMAD» ەتنوورتالىعى اشىق اسپان استىنداعى ء«تىرى» مۋزەي سانالادى. ولاي دەيتىنىمىز, وزگە مۇراجايلاردا جادىگەرلەرگە قول تيگىزۋگە تىيىم سالىنعان. ءبىزدىڭ ەكسپوناتتاردى قولمەن ۇستاپ, كيىپ كورۋگە دە رۇقسات ەتىلگەن», دەيدى ەتنواۋىلدىڭ نەگىزىن قالاۋشى جاندوس نۇربەكوۆ.
