ءمينيستردىڭ تاپسىرماسىنا سايكەس جاۋاپتى قىزمەتكەرلەردەن تۇراتىن جۇمىس توبى قۇرىلادى, ولار ىڭعايلى جانە فۋنكتسيونالدى ارنايى فورما جاساۋ جونىندەگى قاتارداعى ءورت سوندىرۋشىلەر مەن قۇتقارۋشىلاردىڭ بارلىق ۇسىنىستارىن ەسكەرەدى. جۇمىس توبى وسى باعىتتاعى ەڭ ۇزدىك الەمدىك تاجىريبەلەردى دە نازارعا الادى.
ء«ورت ءسوندىرۋ جانە اۆاريالىق-قۇتقارۋ جۇمىستارى كوبىنەسە جەكە قۇرام ءۇشىن قيىن, ءارى كۇردەلى تۇردە وتەدى. وسىعان بايلانىستى فورما ىڭعايلى دا, فۋنكتسيونالدى دا بولۋى كەرەك. ءبىزدىڭ مىندەتىمىز – قۇتقارۋشىلارعا وزدەرىنىڭ فۋنكتسيونالدىق مىندەتتەرىن ورىنداۋ كەزىندە بارىنشا جايلىلىقتى قامتاماسىز ەتۋ. ءدال وسىنداي تاكتيكا ولاردى زاماناۋي قۇتقارۋ تەحنيكاسىمەن قامتاماسىز ەتۋگە قاتىستى بولۋى كەرەك», دەدى سىرىم ءشارىپحانوۆ.
