جيىندا جوعارى ءبىلىم سالاسىنداعى بۇرىن جەكە مەنشىككە وتكەن كەيبىر اكتيۆتەردى مەملەكەت مەنشىگىنە قايتارۋ ماسەلەسى تالقىلاندى.
پرەمەر-مينيستر قۇزىرلى مەملەكەتتىك ورگاندارعا ءتيىستى قۇجاتتار مەن شارتتاردى تەكسەرىپ, ولاردىڭ زاڭدىلىعىنا قۇقىقتىق باعا بەرۋدى تاپسىردى. بۇل رەتتە ءاليحان سمايىلوۆ اتالعان وقۋ ورىندارىنداعى وقۋ پروتسەسىنىڭ تولىق تۇراقتىلىعىن قامتاماسىز ەتۋ قاجەتتىلىگىنە توقتالدى, ويتكەنى باستالعان تەكسەرۋ ستۋدەنتتەرگە دە, ۋنيۆەرسيتەت قىزمەتكەرلەرىنە دە قاتىستى ەمەس.
كەڭەستە قاراعاندى وبلىسىنىڭ 30-عا جۋىق ەلدى مەكەنىن ەلەكتر قۋاتىمەن قامتاماسىز ەتىپ وتىرعان جەكەمەنشىك ەنەرگەتيكالىق كومپانيانىڭ جۇمىسى دا قارالدى.
كاسىپورىن مەنشىگىندەگى ەلەكتر جەلىلەرىنىڭ ابدەن توزىعى جەتكەنى اتاپ ءوتىلدى. وسى رەتتە جوندەۋ جۇمىستارى جۇرگىزىلمەيدى ءارى اپاتتىق بريگادالار تاپشى. جالپى تەكسەرۋ بارىسىندا انىقتالعان بۇزۋشىلىقتار جويىلماعان. وسىعان بايلانىستى جەرگىلىكتى تۇرعىندار ەلەكتر قۋاتىنىڭ ءجيى سەبەپسىز ءوشىپ قالۋىنا, ەلەكتر قۋاتىنىڭ تاپشىلىعىنا, كەرى بايلانىستىڭ تولىق بولماۋىنا جانە تاعى باسقا ماسەلەلەر بويىنشا شاعىمدانىپ وتىر.
ءاليحان سمايىلوۆ كاسىپورىنعا قاتىستى جينالعان ماتەريالداردى تالداۋ جانە قالىپتاسقان جاعدايعا قۇقىقتىق باعا بەرۋ ءۇشىن باس پروكۋراتۋراعا بەرۋدى تاپسىردى.
سونداي-اق كەڭەس بارىسىندا تەمىرجول كولىگى سالاسىندا دا بىرقاتار مونوپولياعا قارسى شارالاردى جۇزەگە اسىرۋ ماسەلەسى قارالدى.
