تابيعي اپاتتارمەن كۇرەسۋ جانە قاۋىپسىزدىك شارالارى جونىندەگى ورتالىق شتاب جەكسەنبى كۇنى تاڭەرتەڭ جاۋعان نوسەر جاڭبىردان قازا تاپقانداردىڭ سانى وتكەن اپتادا 26-عا جەتكەنىن مالىمدەدى.
قۇتقارۋشىلار ورتالىقتاعى وسون قالاسىنداعى سۋ باسقان جەراستى تۋننەلىندە تۇرىپ قالعان اۆتوبۋستان تاعى التى ادامنىڭ دەنەسىن الىپ شىقتى. ۇزىندىعى 685 مەترلىك تۋننەلدە جولاۋشىلارى بار اۆتوبۋس جانە شامامەن 15 جەڭىل كولىك بولعان. قۇتقارۋ جۇمىستارى جالعاسىپ جاتىر. زارداپ شەككەندەردىڭ سانى ارتۋى مۇمكىن ەكەنى حابارلاندى.
قازا تاپقانداردىڭ باسىم بولىگى سولتۇستىك كيونسان وڭتۇستىك-شىعىس پروۆينتسياسىندا تىركەلگەن, وندا 17 ادام نەگىزىنەن كوشكىن مەن تۇرعىن ۇيلەردىڭ قۇلاۋىنان كوز جۇمعان, ال تاعى توعىز ادام حابار-وشارسىز كەتتى.
جاقىندا بولعان قاتتى جاڭبىردىڭ سالدارىنان بۇكىل ەل بويىنشا 13 ادام زارداپ شەكتى. 13 قالا مەن پروۆينتسيادان 7540 ادام ۇيلەرىن تاستاپ كەتۋگە ءماجبۇر بولدى.
جاڭبىردىڭ سالدارىنان 211 جول جابىلدى. پويىز قوزعالىسى توقتاتىلدى. 12 اۋە رەيسى توقتاتىلدى.
ساعات 05:00-دەگى جاعداي بويىنشا ەلدە كانۆوندو پروۆينتسياسىنىڭ وڭتۇستىك اۋداندارىندا, چحۋنچحون پروۆينتسيالارىندا, وڭتۇستىك ايماقتاردا جانە چەدجۋ ارالىندا قاتتى جاڭبىر تۋرالى ەسكەرتۋ تاراتىلدى. وڭتۇستىك چوللا مەن وڭتۇستىك كيونسان پروۆينتسياسىنىڭ جاعالاۋىندا ساعاتىنا 30 ميلليمەترگە دەيىن قاتتى نوسەر جاۋاتىنى بولجانىپ وتىر. مەتەورولوگتار سەيسەنبىدە ورتالىق چحۋنچحون پروۆينتسيالارىندا جانە چوللا مەن كيونسان وڭتۇستىك پروۆينتسيالارىندا 300 مم-گە دەيىن جاۋىن-شاشىن بولۋى مۇمكىن ەكەنىن ەسكەرتتى.
ايتا كەتەيىك, بيلىك جوعالعان ادامداردى قۇتقارۋ ءۇشىن بار كۇشىن سالۋعا ۋادە بەردى. قورعانىس مينيسترلىگى تابيعي اپات سالدارىن جويۋعا كومەك كورسەتۋ ءۇشىن 472 اسكەري قىزمەتشى مەن 69 تەحنيكا جۇمىلدىرىلعانىن حابارلادى.
