ازيادا–2011: دايىندىق بارىسى نەشىك؟

كەشە مەملەكەت باسشىسى نۇرسۇلتان نازارباەۆ الماتىداعى رەزيدەنتسياسىندا  2011 جىلى   الماتى  مەن استانا قالالارى مەن الماتى وبلىسىندا ءVىى قىسقى ازيا ويىندارى وتەتىن سپورتتىق نىساندار قۇرىلىسىنىڭ دايىندىق ماسەلەسىنە قاتىستى كەڭەس وتكىزدى. قالاي دەگەندە دە, مۇنداي الەم­دىك دەڭگەيدەگى ءىس-شارانى ءوت­كىزۋ وڭاي شارۋا ەمەس. ونىڭ ۇستىنە بۇگىندە ءار مەملەكەت ءوزىنىڭ الەم الدىنداعى الەۋەتىن سپورت ارقىلى كورسەتۋدى ءداس­تۇرگە اينالدىرىپ, باسەكە­لەستىككە تۇسكەندە, اسىرەسە, مۇنداي ءىرى اۋقىمداعى دودانى ال­عاش وتكىزىپ وتىرعان جاس تاۋەلسىز قازاقستانعا, ءبىر جاعىنان, ءمار­تە­بە, مەرەي دەسەك, ءبىر جاعىنان, جاۋاپكەرشىلىك ءارى سىن بولعالى تۇر. سوندىقتان دا, ەلباسى وسىن­داي كۇردەلى دە اۋقىمدى ماسەلەگە ۇلكەن ماڭىز بەرىپ وتىر. – ءبىزدىڭ ەلىمىز العا قويعان ءمىن­دەتتەردى ورىنداۋدا ۇلگى كور­سە­تەتىنىنە جانە ازيادا يدەياسىن العا جىلجىتۋ ىسىندە جاڭا بيىك پلان­كا­نى تاپسىراتىنىنا سەنىم­دىمىن. ءبىزدىڭ ەلىمىزدە ازيا ويىن­دارىن ءوت­كىزۋ – بۇل قازاق­ستان­نىڭ الەم­دىك سپورتتىق قوزعا­لىس­تاعى حالىق­ارالىق بەدەلىنىڭ كور­سەتكىشى, – دەپ اتاپ ءوتتى ن.نا­زار­باەۆ كەڭەسكە قاتىسۋشىلارعا ارناعان سوزىندە. كەڭەستە ءار تاراپتىڭ جەكە-جەكە ەسەبى تىڭدالدى. تۋريزم  جانە سپورت ءمينيسترى تەمىرحان دوسمۇ­حا­مەدوۆ اق ازياداعا قاتىستى شا­رالارعا جالپىلاما شولۋ جاساپ, ولاردىڭ قانشالىقتى دەڭگەيدەگى داي­ىندىعىنان مالىمەتتەر كەلتىر­سە, الماتى قالاسىنىڭ اكىمى اح­مەت­جان ەسىموۆ وڭتۇستىك استانا­دا­عى سپورتتىق ويىندار وتەتىن جانە باسقا دا نىساندارداعى جوندەۋ جانە قۇرىلىس جۇمىستارىنىڭ بارىسىن, ونىڭ ىشىندە “مەدەۋ” مۇز ايدىنى, “شىمبۇلاق” تاۋ شاڭعىسى, حالىقارالىق شاڭعى ترامپلين كەشەندەرى, بالۋان شولاق اتىن­دا­عى سپورت سارايى دايىندىعىنىڭ كەستەگە سايكەس اتقارىلىپ جات­قان­دى­عىن جەتكىزدى. الماتى وبلى­سى­نىڭ اكىمى سەرىك ۇمبەتوۆ ءوز كەزە­گىندە الماتى وبلىسى, تالعار اۋدا­نىن­داعى سولدات شاتقا­لىن­داعى شاڭعى جانە بياتلون ستا­ديون­دار كەشە­نىن­دەگى جۇمىستىڭ قالىپتى جۇرگىزىلىپ جاتقانىن, سونىمەن قاتار 7-ءشى قىس­قى ازيا ويىندارى  وتەتىن نى­سان­دار قاتا­رى­نا الماتى وبلىسى­نىڭ اۋما­عىن­دا ورنالاسقان تاباعان سپورت­تىق ويىن-ساۋىق كەشەنىنىڭ دە قو­سىلعانىنان حاباردار ەتسە, استانا قالاسى اكىمىنىڭ ورىنباسارى سەرگەي حوروشۋن ارقا تورىندە اتقارىلىپ جاتقان دايىندىق بارىسىن باياندادى. گۇلزەينەپ سادىرقىزى