ءىس-شارادا ۇلتتىق ارحيۆ ديرەكتورى ساعيلا نۇرلانوۆا قور يەسىنىڭ ءومىرى مەن عىلىمي ەڭبەكتەرىنە توقتالىپ, قور يەسى ءا.ۇسەنوۆتىڭ قىزى بايان انۋاربەكقىزىنا سالتاناتتى تۇردە سەرتيفيكات تابىس ەتتى.
ءىس-شارادا انۋاربەك ۇسەنوۆ تۋرالى ەستەلىكتەر مەن ەلگە جاساعان قىزمەتى تۋرالى جىلى لەبىزدەر ايتىلدى. ارحيۆ قىزمەتكەرلەرى دايىنداعان انۋاربەك ۇسەنوۆتىڭ قازاقستاننىڭ ءتۇستى مەتاللۋرگيا جانە التىن شىعارۋ سالالارىنا ارنالعان ەڭبەك جولىنان تۇسىرىلگەن بەينەبايان كورسەتىلدى.
ۇسەنوۆ انۋاربەك ەڭبەك جولىن 1957-1966 جىلدارى وسكەمەن قورعاسىن-مىرىش كومبيناتىندا ماستەردىڭ كومەكشىسىنەن تسەح باستىعىنىڭ ورىنباسارى بولىپ باستاپ, لەنينوگورسك مىرىش زاۋىتىنىڭ ديرەكتورى, قازاق كسر-ءى ءتۇستى مەتاللۋرگيا ءمينيسترىنىڭ ورىنباسارى, ءبىرىنشى ورىنباسارى دەڭگەيىنە دەيىن كوتەرىلىپ, قازاق مەملەكەتتىك باعالى مەتاللدار جانە الماس عىلىمي-زەرتتەۋ, جوبالاۋ-كونسترۋكتورلىق جانە تەحنولوگيا ينستيتۋتىنىڭ ديرەكتورى, قازاق مەملەكەتتىك باعالى مەتاللدار جانە الماس عىلىمي-زەرتتەۋ, جوبالاۋ-كونسترۋكتورلىق جانە تەحنولوگيا ينستيتۋتىنىڭ ديرەكتورى, 1991-1993 جىلدارى قازاق مەملەكەتتىك «كاز الماس» كونسورتسيۋمىندا ۆيتسە-پرەزيدەنتى, باس ديرەكتور قىزمەتتەرىن, 1993 جىلدان ۇلتتىق اكتسيونەرلىك «التىنالماس» كومپانياسىنىڭ ءبىرىنشى ۆيتسە-پرەزيدەنتى, «التىن» اق-نىڭ پرەزيدەنتى قىزمەتتەرىن اتقارعان.
انۋاربەك ۇسەنوۆ عىلىمي ەڭبەكتەرىن قازاقستاننىڭ ءتۇستى مەتاللۋرگيا جانە التىن شىعارۋ سالالارىنا ارنادى. ونىڭ تىكەلەي باسشىلىعىمەن قازاقستاندا العاش رەت شيكىزاتتىڭ ءار تۇرىنەن حيميالىق تازا التىن مەن كۇمىس الۋ تەحنولوگياسى جاسالىپ, «تسەليننىي كەن-حيميا كومبيناتى» وندىرىستىك بىرلەستىگىمەن جانە عىلىمي-زەرتتەۋ ينستيۋتتارىمەن بىرلەسە وتىرىپ «قۇمدىكول» كەن ورنىنان تەحنيكالىق الماس ءوندىرۋ بويىنشا عىلىمي-زەرتتەۋلەر جۇرگىزدى.
انۋاربەك ۇسەنوۆتىڭ ەنگىزگەن جاڭالىقتارى عىلىمدا, وندىرىستە كەڭىنەن قولدانىلىپ, قازاق مەتاللۋرگياسىنا سىڭىرگەن ەڭبەگى ەلەنىپ, قازاق كسر-ءى مەملەكەتتىك سىيلىعىنىڭ يەگەرى, كسرو-نىڭ قۇرمەتتى مەتاللۋرگى, ەڭبەك قىزىل تۋ وردەندەرىمەن جانە مەدالدارىمەن ماراپاتتالدى.
