جالپى اباتتاندىرىلعان اۋماق – 0,96 گەكتاردى قۇرايدى. جاعالاۋدا قالا تۇرعىندارى ءۇشىن ءتۇرلى دەمالىس الاڭدارى ورنالاستىرىلعان, ونىڭ ىشىندە:
- امفيتەاتر;
- بالالار جانە سپورت الاڭدارى;
- ۆەلوسيپەد, جۇگىرۋ, سەرۋەندەۋ جولى;
- باسكەتبول, ۆولەيبول, فۋتبول الاڭى;
- ورمەلەۋ الاڭى;
- سكەيتپارك بار.
اۋدان بويىنشا اباتتاندىرۋ جۇمىسى بەلسەندى ءجۇرىپ جاتىر. قۇرىلىس ماۋسىمى باستالعالى كوكتوبە كوشەسىندە (كوكتال-1 ەلدى مەكەنى) جانە فاحد بەن ابدۋل ازيز كوشەسىندە (اگروقالاشىق ەلدى مەكەنى) قوعامدىق كەڭىستىكتەر جايلاستىرىلدى.
سونىمەن قاتار «شاپاعات» ءسۇ جانە جەلتوقسان-بۇقارباي باتىر-بەيبىتشىلىك كوشەلەرىندە جاياۋ جۇرگىنشىلەر جولىن جوندەۋ جۇمىسى ءجۇرىپ جاتىر.
بۇعان دەيىن استانا قالاسىنىڭ اكىمى جەڭىس قاسىمبەك ەلوردانىڭ وڭ جاعالاۋى قالاي كوركەيەتىنىن ايتقان ەدى. ونىڭ ايتۋىنشا بيىل قالانىڭ وڭ جاعالاۋىندا 130-عا جۋىق اۋلا مەن قوعامدىق كەڭىستىك اباتتاندىرىلادى. قازىردىڭ وزىندە 50-گە جۋىق ورىندا ءتيىستى جۇمىستار اياقتالعان.
