«ەكى اۋداننىڭ (قوستاناي وبلىسى) اۋماقتارىن زەرتتەۋ ناتيجەلەرى بويىنشا جالپى 16 مىڭ گا جايىلىمدىق جەرگە جاندىكتەردىڭ تارالۋى تىركەلدى. فيتوسانيتارلىق شارالار سول كۇنى كەشكە باستالدى, ويتكەنى وڭدەۋلەر تەحنيكالىق رەگلامەنتكە سايكەس كەشكە جانە تاڭعى ۋاقىتتا جۇرگىزىلۋى ءتيىس», دەپ حابارلادى اۋىل شارۋاشىلىعى مينيسترلىگىنىڭ ءباسپاسوز قىزمەتى.
اۋىل شارۋاشىلىعى ءمينيسترى ەربول قاراشوكەەۆ قوستاناي جانە قىمىستى وبلىستارىنا باردى.
ول قوستاناي وبلىسىنداعى ەگىس كولەمى 4,6 ميلليون گەكتار بولسا, ونىڭ 500 گەكتارى عانا زارداپ شەككەنىن ايتتى.
زيانكەستەرمەن كۇرەسۋگە 31 ارنايى تەحنيكا جۇمىلدىرىلعان, ونىڭ ىشىندە 9 جەلدەتكىش بۇرىككىش, 13 اەروزول گاز گەنەراتورى, 6 اسا جەڭىل ۇشاق جانە 3 جەڭىل ۇشاق بار. ماماندار بيولوگيالىق تيىمدىلىگى كەمىندە 85% بولاتىن Vantex, Tiametrin, Carat Super 100, Fipron vdg پرەپاراتتارىن پايدالانادى. حيميالىق زاتتاردىڭ قورى جەتكىلىكتى.
«قوستاناي وبلىسىنىڭ اۋماعىندا دا ءۇيىرلى ەمەس شەگىرتكە زيانكەستەرىنىڭ تارالۋى بولجانىپ جاتىر. 2019 جىلدان باستاپ فيتوسانيتارلىق شارالارعا جەرگىلىكتى بيۋدجەتتەن قاراجات بولىنبەگەندىكتەن, حيميالىق وڭدەۋدى اۋىل شارۋاشىلىعى تاۋارىن وندىرۋشىلەردىڭ ءوزى جۇرگىزەدى. بيىل وبلىستاعى وڭدەۋ الاڭى 35 مىڭ گەكتاردى قۇرادى», دەپ تولىقتىردى ۆەدومستۆودان.
اۋىل شارۋاشىلىعى مينيسترلىگىنىڭ مالىمەتىنشە, شەگىرتكە زيانكەستەرىنىڭ تارالۋى تسيكلدى جانە تابيعي-كليماتتىق جاعدايلارعا بايلانىستى. عالىمدار كۇن بەلسەندىلىگىنىڭ باستالۋىمەن شامامەن 10,5 جىل جيىلىگىمەن شەگىرتكەلەردىڭ جاپپاي كوبەيۋى باستالاتىنىن انىقتادى.
