ءبىلىم بەرۋ سالاسىن تسيفرلاندىرۋ اياسىندا وسى جىلدان باستاپ تەحنيكالىق جانە كاسىپتىك, سونداي-اق ورتا بىلىمنەن كەيىنگى ءبىلىم تۋرالى ديپلومدار بلانكىدە QR-كودپەن بەرىلە باستادى.
«QR-كود ديپلومنىڭ تۇپنۇسقالىعىن تەكسەرۋگە مۇمكىندىك بەرەدى. ول قۇجاتتىڭ يەسى جايلى دەرەكتەر, وقۋ ورنى تۋرالى اقپارات پەن ۇلتتىق ءبىلىم بەرۋ دەرەكتەر قورىنان الىنعان قۇجات دەرەكتەمەلەرى كورسەتىلەتىن مەملەكەتتىك ينتەرنەت-رەسۋرسقا سىلتەمە بەرەدى. QR-كودتا تۇلەكتى سايكەستەندىرۋگە مۇمكىندىك بەرەتىن مالىمەتتەر: تۇلەكتىڭ اتى-ءجونى, ۇيىمنىڭ اتاۋى, تۇسكەن/بىتىرگەن جىلى, ماماندىعى مەن بىلىكتىلىگىنىڭ اتاۋى, وقىتۋ نىسانى, ديپلومنىڭ سەرياسى مەن ءنومىرى بەرىلەدى», دەدى وقۋ-اعارتۋ ۆيتسە-ءمينيسترى ايبات ءىلياسوۆ.
6 شىلدەدەن باستاپ وسى جىلى بەرىلە باستاعان تجكب ديپلومدارىن ەلەكتروندى ۇكىمەت پورتالىنداعى جەكە كابينەت نەمەسە eGov ەلەكتروندى ۇكىمەت پورتالى مەن eGov mobile قوسىمشاسىنداعى تسيفرلىق قۇجاتتار سەرۆيسى ارقىلى نەمەسە ەكىنشى دەڭگەيلى بانكتەردىڭ قوسىمشالارى ارقىلى الۋعا بولادى.
ايتا كەتەيىك, بيىل 140 مىڭنان استام كوللەدج تۇلەگى QR-كودى بار ديپلوم الادى.
