پرەزيدەنت پوشتاسىنان

تاريحي ەرلىك جالعاسا بەرسىن

مەملەكەت باسشىسىنىڭ اتىنا “بولاشاق ماقساتىنداعى زەردە” حالىقارالىق فورۋمىنا قاتىسۋشىلاردان ۇجىمدىق حات كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ارالارىندا رەسەيدىڭ, بەلا­رۋس رەسپۋبليكاسىنىڭ, تاجىك­ستان­نىڭ, قىرعىزستاننىڭ, يز­رايل­دىڭ, اقش-تىڭ, فرانتسيا مەن شۆەي­تسا­ريانىڭ ازاماتتارى بار اۆتورلار قا­زاقستان حالقى اس­سامبلەياسىنىڭ شا­قىرۋى بويىن­شا وزدەرىنىڭ قا­زاق­ستانعا كەلىپ, “بولاشاق ماقسا­تىن­داعى زەردە” جوباسىنىڭ شارا­لا­رىنا قاتىسىپ, قازاقستاندىق­تار­مەن پىكىرلەسە, “الجير” مەمو­ريالدىق مۇرا­جايىندا بولا العانى ءۇشىن ريزا­شىلىقتارىن بىلدىرەدى. حالىقارالىق فورۋمعا قاتى­سۋ­شىلار رەپرەسسيالاردىڭ بەيكۇنا قۇرباندارىنىڭ جارقىن بەينەسىن ساقتاۋعا كوڭىل ءبولىپ وتىرعانى ءۇشىن  تىكەلەي نۇرسۇلتان ءابىش ۇلى نازارباەۆقا العىس ايتادى. ء“بىز ءۇشىن قاسيەتتى ورىندارعا تاعزىم ەتۋگە ءسىزدىڭ تاماشا ەلىڭىز­گە كەل­گەندە ءسىز بىزبەن تىكەلەي كەز­دە­سۋدى قاجەت دەپ تاۋىپ, زور كوڭىل جانە ادامي قاتىستىلىق تانىتادى دەپ ويلاي قويعان جوق ەدىك. سىزبەن كەزدەسۋدە ءبىز قازاق حال­قىنىڭ ىزگى جانىنىڭ بۇكىل كەڭىس­تىگى مەن جىلىلىعىن شىن جۇرەك­تەن سەزىندىك جانە سول كەزدە قازاق­ستان­دا بولعان لاگەرلەر ارقىلى وتكەندە ءبىزدىڭ اتا-انالارىمىز نەلىكتەن ءتىرى قالعانىن, ولاردىڭ ۇرپاقتارى بىزگە دە ىستىق ءارى ەتەنە بولعان ءسىزدىڭ ەلىڭىزدى نەلىكتەن جىلىلىقپەن ەسكە الاتىنىن تۇسىنگەندەي بولدىق. قور­قىنىشتى جىلدار مەن توتالي­تار­لىق تەررور قۇرباندارى تۋرالى زەردەنى ساقتاۋ ءۇشىن ءسىز جاساپ وتىر­عان  نارسە – بۇل تاريحي ەرلىك. ءبىز لاگەرلەردىڭ ور­نىندا مەمو­ريال­دىق كەشەندەر, ەسكەرتكىشتەر تۇر­عى­زىل­عانىن, ءسىزدىڭ باستاماڭىز بوي­ىنشا مىنە ون جىلدان استام ۋاقىت بويى 31 مامىر قازاقستاندا ساياسي قۋ­عىن-سۇرگىن قۇرباندارىن ەسكە الۋ كۇنى رەتىندە اتالىپ وتىرعانىن كوردىك. بۇل بۇرىنعىنىڭ قاسىرەتى قايتالانباۋى ءۇشىن تاريحقا قالاي قاراۋ كەرەكتىگى تۇرعىسى­نان بار­شاعا ونەگە, بۇل رۋحاني باستاۋدى ساقتاۋ, بۇل – تاعزىم تاعىلىمى. ەڭ باستىسى – بۇل رەپرەس­سيا­لاردان ءوزى دە سۇمدىق زارداپ شەكسە دە, سول قاتال ۋاقىتتا زورلىق كور­گەن بارلىق حالىقتاردى جادىندا مۇقيات ساقتاپ كەلە جاتقان قازاق حالقىنىڭ جوعارى ادامگەرشىلىك سەزىمىنىڭ ونەگەسى. قازاق حالقىنا راحمەت ايتىپ, تاعزىم ەتەمىز! ءبىز ءسىزدىڭ جەرىڭىزدەن بەيبىت­شى­لىك پەن كەلىسىمدى كوردىك. سونىڭ ارقاسىندا قازاقستان ميلليون­داعان ادامدار ءۇشىن توزاق بولعان جەر اۋدارۋ مەن لاگەرلەر ورنىنان ءور­كەن­دەگەن ەلگە اينالدى. بۇل تاۋەل­سىز قازاقستان قۇرىلعان ساتتەن باستاپ ءسىز جۇرگىزىپ وتىرعان مەم­لە­كەتتىك ساياساتتىڭ ناتيجەسى. وسىنداي پرەزيدەنتى بار حالىق باقىتتى! سىزگە مىقتى دەنساۋلىق جانە ۇزاق عۇمىر تىلەيمىز!” – دەلىنگەن حاتتا.