وسىعان بايلانىستى سىر وڭىرىنە جۇمىس ساپارىمەن كەلگەن سەۋلتەح ۋنيۆەرسيتەتىنىڭ دەلەگاتسياسىمەن وبلىس اكىمىنىڭ ءبىرىنشى ورىنباسارى سەرىك قوجانيازوۆ كەزدەسىپ, الدا بىرلەسىپ اتقارار شارۋالاردى تالقىلادى.
پروفەسسور چاسۋ كيم مەن سۋنگگون كيم باستاعان LUPIC جوباسىنىڭ وكىلدەرى ءبىرشاما ۋاقىت قورقىت اتا اتىنداعى ۋنيۆەرسيتەتتە زەرتحانالاردى ورنالاستىرۋدىڭ كەڭىستىكتىك اسپەكتىلەرىن, بيزنەس-ينكۋباتسيا ورتالىعىن قۇرۋعا قاتىستى ماسەلەلەردى زەرتتەيتىن بولادى.
وسى جىلدىڭ مامىر ايىندا قىزىلوردا وبلىسىنىڭ اكىمى نۇرلىبەك نالىباەۆ كورەياعا ساپارى اياسىندا سەۋل ۇلتتىق عىلىم جانە تەحنولوگيالار ۋنيۆەرسيتەتىنىڭ پرەزيدەنتى لي دونگ حۋن مىرزامەن كەزدەسىپ, سىردا وقۋ ورنىنىڭ فيليالىن اشۋدى ۇسىنعان بولاتىن. وڭىردە وسى جوبانى ىسكە اسىرۋعا جان-جاقتى قولداۋ كورسەتىلىپ, ءبىلىم الۋشىلارعا جىل سايىن وبلىس اكىمدىگى, عىلىم جانە جوعارى ءبىلىم مينيسترلىگى تاراپىنان گرانتتار بەرىلەدى. وبلىستىڭ دامۋ باعدارلاماسى بيۋدجەتىنە كامپۋس پەن تەحنوپارك قۇرىلىسىن ەنگىزۋ دە جوسپارلانىپ وتىر.
قىزىلوردا
