اسەنكريتوۆكا, كراسنوسەلسكوە, مايسكوە اۋىلدارىنداعى سۋمەن جابدىقتاۋ نىساندارى «AMANAT» پارتياسىنىڭ سايلاۋالدى باعدارلاماسىن ورىنداۋدىڭ جول كارتاسىن ىسكە اسىرۋ اياسىندا قولعا الىنعان.
مىڭنان استام تۇرعىنى بار اسەنكريتوۆكا اۋىلىندا اۋىز سۋ قۇبىرلارى جاڭارتىلىپ, كراسنوسەلسكوە اۋىلىنداعى سۋ قۇبىرىنىڭ قۇرىلىسى جۋىق ارادا اياقتالۋى جوسپارلانىپ وتىر. جوبانىڭ جالپى قۇنى 740 ملن تەڭگەنى قۇرايدى.
اۋىل تۇرعىندارى سۋ تاپشىلىعى ماسەلەسىنەن ارىلىپ, ساپالى اۋىز سۋعا قول جەتكىزگەندەرىن ايتىپ, ريزاشىلىقتارىن ءبىلدىردى.
البەرت راۋ ودان ءارى قوستاناي – قارابۇتاق باعىتىنداعى رەسپۋبليكالىق ماڭىزى بار جولدىڭ جوندەۋ جۇمىستارىمەن تانىستى.
دەپۋتاتتىڭ ايتۋىنشا, قازىرگى تاڭدا اۋىلدىڭ الەۋەتىن كوتەرۋ ماقساتىندا «اۋىل - ەل بەسىگى» جوباسى جۇزەگە اسىرىلىپ جاتىر.
«رەسپۋبليكالىق بيۋدجەتتەن قارجىلاندىرىلعان نىسانداردىڭ جۇمىسى ءاردايىم دەپۋتاتتار باقىلاۋىندا. اسىرەسە, اۋدانداردىڭ, شالعاي اۋىلداردىڭ الەۋمەتتىك احۋالى باستى نازاردا بولادى. ودان بولەك جاڭا جوبالار بويىنشا دا حالىق اراسىندا ءتۇسىندىرۋ جۇمىستارىن دا جۇرگىزىپ جاتىرمىز», دەدى ا. راۋ.
بەيىمبەت مايلين اۋدانىندا قوسالقى شارۋاشىلىقتار مەن اۋىل شارۋاشىلىعى كووپەراتيۆتەرىن دامىتۋ ءۇشىن شاعىن نەسيەلەر بەرۋ ارقىلى اۋىل حالقىنىڭ تابىسىن ارتتىرۋدىڭ پيلوتتىق جوباسىن ىسكە اسىرۋ بويىنشا جۇمىستار جۇرگىزىلۋدە.
ساپار بارىسىندا دەپۋتات بەرەگوۆوە اۋىلىنداعى گازبەن جابدىقتاۋ جۇيەسىنىڭ قۇرىلىسىمەن تانىستى. نىساندار پارتيانىڭ سايلاۋالدى باعدارلاماسىن ىسكە اسىرۋدىڭ جول كارتاسى شەڭبەرىندە قۇرىلىس جۇمىستارى قارقىندى جۇرگىزىلۋدە.
