وسى وبلىستىڭ شالقار, ىرعىز اۋداندارىنان ءشوپ تاسىعاندار دا بولدى. سول جىلى قىسقا تۇسەتىن مالعا 770 مىڭ توننا ءشوپ, 8 مىڭ توننا سۇرلەم جانە 213 مىڭ توننا قۇراماجەم قاجەت ەكەندىگى انىقتالىپ, ءبىراز بولىگى وبلىستىڭ وزگە اۋداندارىنان ازىرلەندى. ايماقتا مال ازىعىن دايىنداۋ ءۇشىن 114 بريگادا قۇرىلىپ, 1000-نان استام ادام جانە 170-تەن استام تەحنيكا جۇمىلدىرىلدى.
قۇرعاقشىلىق زاردابىن تومەندەتۋ ءۇشىن توتەنشە جاعداي جاريالانىپ, وبلىستىڭ رەزەرۆ قورىنان 250 ملن تەڭگە ءبولىندى. ۇكىمەت رەزەرۆىنەن تاۋار وندىرۋشىلەردىڭ جەمشوپ ساتىپ الۋ شىعىندارىن ءىشىنارا سۋبسيديالاۋعا 1,7 ملرد تەڭگە قارجى قارالدى. جۇرت قۋاڭشىلىق قيىندىعىنان وسىنداي قولداۋدىڭ ارقاسىندا ءوتتى.
قۋاڭشىلىقتان ساباق العان شارۋالار بىلتىر مالازىقتىق داقىلداردى 4,9 مىڭ گەكتارعا ارتىق ەگiپ, ونىڭ جالپى كولەمى 71,3 مىڭ گەكتارعا جەتتى. بۇدان بولەك, كانال تازالاۋ, ۇڭعىمالاردى قالپىنا كەلتىرۋ جانە بۇرعىلاۋ, قاشىرتقى سۋلاردى قايتا پايدالانۋ سەكىلدى تىرلىكتەر جەمىسىن بەردى. ەرتە كوكتەمدە كولدەر جۇيەسىن تولتىرۋ ارقىلى 75,9 مىڭ گەكتار شابىندىق جەر سۋلاندىرىلدى. وسىدان دا 2021 جىلى 1200-1500 تەڭگەگە جەتكەن جوڭىشقا باعاسى بىلتىر 700-750 تەڭگەگە ءتۇستى.
وبلىستىق اۋىل شارۋاشىلىعى جانە جەر قاتىناستارى باسقارماسى ماماندارىنىڭ ايتۋىنشا, بيىلعى مال ازىعىن دايىنداۋ ناۋقانىنىڭ مالىمەتتەرى شىلدە ايىنىڭ ورتاسىنان اۋا ناقتىلانا باستايدى. ال اۋدان اكىمدىكتەرىنە حابارلاسقاندا بىلگەنىمىز جاڭاقورعان اۋدانىندا بيىل قىسقا تۇسەتىن مال باسى ناقتىلانىپ 183 مىڭ توننا ءشوپ, 36 مىڭ توننا جەم, 37 مىڭ توننا سابان دايىنداۋ جوسپارى بەكىتىلگەن. قازىر شارۋاشىلىقتاردا جوڭىشقانىڭ ءبىرىنشى ورىمى ءبىتىپ, 40 مىڭ توننا ءشوپ دايىندالىپتى. ءبىر بۋماسى 500-600 تەڭگەدەن ساتىلىپ جاتىر. جالپى, وبلىستاعى جوڭىشقالىق القاپتىڭ كوپ بولىگى وسى اۋداننىڭ اۋماعىندا.
جاڭاقورعانداعى «اگروتەحنولوگيا» عىلىمي-وندىرىستىك شارۋا قوجالىعى 78 گەكتار اۋماققا جوڭىشقا ەگەدى. شارۋاشىلىق توراعاسى كەرىمحان ەگىزباەۆتىڭ ايتۋىنشا, بيىل كوكتەمدە داريادا سۋ جەتكىلىكتى بولعانمەن القاپتارعا كەش بەرىلىپتى.
– قازىرگى ءشوپ شىعىمى جامان ەمەس. بىراق سۋ ۋاقىتىندا بەرىلسە, بۇدان دا جوعارى الۋعا بولار ەدى. وبلىستاعى ۋاق مالدىڭ دا, سيىردىڭ دا كوبى وسى ءبىزدىڭ اۋداندا. اۋدان شارۋاشىلىقتارى اۋىسپالى ەگىس تالابىن بارىنشا ساقتاپ وتىر. بۇل – مال ازىعىن ءوزىمىز دايىنداۋدىڭ باستى مۇمكىندىگى. بىراق ءبىزدى الاڭداتاتىنى اۋدان اۋماعىنداعى داريا ارناسىندا توسپانىڭ جوقتىعى. ۇرلەمەلى توسپا جارامسىز بولىپ قالعالى دا ءبىراز جىلدىڭ ءجۇزى اۋدى. ەگەر داريا ارناسىنداعى سۋ كولەمى سەكۋندىنا 250 تەكشە مەترگە ءتۇسىپ كەتسە, كەلىنتوبە ماگيسترالدى كانالى قاڭسىپ قالادى. بۇل – بۇكىل اۋدان اياق سۋدان قالادى دەگەن ءسوز. وسى ماسەلە شەشىمىن تاپسا, شارۋانىڭ كوڭىلى جايلانار ەدى, – دەيدى شارۋاشىلىق توراعاسى.
ارال اۋدانىنداعى ءتورت ت ۇلىك سانى قازىر 254 560 باسقا جەتتى. بىلتىر اۋدان بويىنشا 180 591 توننا مال ازىعى دايىندالعان, قازىر سونىڭ 59 672 تونناسى قالىپ تۇر. الداعى قىسقا 181 000 توننا جەمشوپ قاجەت. قازىر شارۋالار وسىنىڭ قامىندا ءجۇر.
وسى ناۋقاندا جالاعاش اۋدانىنداعى 58,9 مىڭ باس مالعا 84 مىڭ توننا ءشوپ, 29, 3 مىڭ توننا سابان جانە 19 مىڭ توننا جەم دايىندالۋى كەرەك. اۋداندا اۋىسپالى ەگىس تالابىنا سايكەس 12050 گەكتارعا جوڭىشقا ەگىلگەن. سىرداريا اۋدانى دا جوڭىشقانىڭ العاشقى ورىمىن اياقتاپ قالدى.
جالپى, قاي اۋداندا دا قىستا قينالىپ قالماۋدىڭ قارەكەتى جاسالىپ جاتىر.
قىزىلوردا
