«قازىر تابيعي مونوپوليا كوميتەتى بۇعان جاۋاپتى مەملەكەتتىك ورگاندارمەن جۇمىس ىستەپ جاتىر. كوممۋنالدىق قىزمەت تاريفتەرىن 15-20 پايىزعا كوتەرۋدى سۇراپ وتىرمىز», دەدى ەلوردا اكىمى جەڭىس قاسىمبەك ورتالىق كوممۋنيكاتسيالار قىزمەتىندە وتكەن جيىن بارىسىندا.
ول قازىرگى ۋاقىتتا جەكە تۇلعالار ءۇشىن ەلەكتر ەنەرگياسىنىڭ ءتاريفى بيۋدجەتتەن بولىنگەن سۋبسيديالاردى ەسكەرە وتىرىپ, ءبىر كۆت/ساع ءۇشىن 16 تەڭگەنى قۇرايتىنىن اتاپ ءوتتى. مەملەكەتتىك مەكەمەلەر سونىڭ ىشىندە مەكتەپتەر, بالاباقشالار, اۋرۋحانالار كۆت/ساع ءۇشىن 50 تەڭگە تولەيدى.
«مىسالى, الماتىدا جانە باسقا قالالاردا كۆت-ساع قۇنى الدەقايدا جوعارى. سوندىقتان استانادا تاريفتەردى مۇنداي دەڭگەيدە ۇستاي المايمىز. ءبىز ەلەكتر جەلىلەرىنە ينۆەستيتسيا سالۋىمىز كەرەك, ولاردى رەتكە كەلتىرۋىمىز كەرەك», دەپ ءتۇسىندىردى جەڭىس قاسىمبەك.
ونىڭ ايتۋىنشا, سۋدىڭ تەكشە مەترى استانادا 48 تەڭگە بولسا, الماتى, قاراعاندى جانە باسقا قالالاردا 100-دەن 150 تەڭگەگە دەيىن, كەيبىر ەلدى مەكەندەردە 200 تەڭگەگە دەيىن بارادى.
1 شىلدەدەن باستاپ بارلىق وڭىرلەردە كوممۋنالدىق قىزمەتتەردىڭ تاريفتەرى كەزەڭ-كەزەڭىمەن وزگەرەدى.
