ءبىر اپتا بويى كەنشىلەر استاناسىندا 6 ءوڭىردىڭ كومانداسى (استانا, شىمكەنت قالاسى, قاراعاندى, ماڭعىستاۋ, اقتوبە جانە الماتى وبلىسى) اينالمالى ءجۇيە بويىنشا كىم مىقتىنى انىقتادى.
شەشۋشى تۋردا بىردەن 3 كوماندا – قاراعاندى, اقتوبە مەن شىمكەنت گاندبولشىلارى باس جۇلدەدەن دامەلى بولدى. جارىس قوجايىنى استانا قالاسىنىڭ كومانداسىن ۇتىپ (38-30), ۇپاي سانىن 8-گە جەتكىزدى. وسىدان كەيىنگى شىمكەنت قالاسى مەن اقتوبە وبلىسىنىڭ اراسىنداعى ماتچتا العاشقىسى 33-22 ەسەبىمەن جەڭدى. وسىلايشا, 3 كوماندا دا بىردەي 8 ۇپايدان جينادى. جۇلدەگەرلەر دوپ ايىرماشىلىعى بويىنشا عانا انىقتالدى. قاراعاندى وبلىسى جەڭىمپاز اتانسا (57-53), شىمكەنت قالاسى كۇمىس (56-55), اقتوبە وبلىسى (51-56) قولا مەدالعا يە بولدى.
«وسىعان دەيىنگى V جازعى سپارتاكيادا قاراعاندى قالاسىندا وتكەن. سول كەزدە 4 كوماندانىڭ اراسىندا (قاراعاندى, استانا, پاۆلودار مەن اتىراۋ) كەنشىلەر چەمپيون اتانعان. استانا قالاسى كۇمىس, پاۆلودار وبلىسى قولا العان. بيىلعى جارىستىڭ دەڭگەيى ءبىر ساتى بولسىن كوتەرىلگەن. سوڭعى تۋردا 3 كوماندانىڭ بىردەي ۇپاي جيناپ, تەڭ ءتۇسۋى سونىڭ كورسەتكىشى», دەپ ەسكە الادى استانا قالاسى كومانداسىنىڭ باپكەرى ۆلاديمير بەرەزين.
نەبارى 2 رەت جەڭىسكە جەتكەن ەلوردالىقتار بۇل جولى 4-ورىنمەن شەكتەلدى. جازعى سپارتاكياداعا قاتىسىپ جاتقان جاڭا وبلىستىڭ ءبىرى الماتى 5-ءشى, ال ماڭعىستاۋ وبلىسى 6-ساتىدان كورىندى.
«ءبىز بۇگىن قولا مەدالدى مىسە تۇتتىق. قالاعانىمىز باس جۇلدە ەدى. بۇگىن شىمكەنت قالاسىمەن ناشار وينادىق. اسىرەسە, العاشقى اينالىمدا. تىم كوپ گول سوققىزىپ العان سوڭ ايىرماشىلىق كوبەيىپ كەتتى. نەگە بۇلاي بولعانىن بىلمەيمىن. دەمەك, ءالى دايىندىقتى كۇشەيتىپ, تاعى جۇمىس ىستەۋ كەرەك. ەندى ۇلتتىق قۇرامامەن ازيا ويىندارىنا دايىندىق كۇتىپ تۇر. قۇرامانىڭ جۋىردا جاساقتالعانىنا قاراماستان جاقسى ناتيجە كورسەتۋگە بارىمىزدى سالامىز», دەدى اقتوبە كومانداسىندا وينايتىن ۇلتتىق قۇراما قاقپاشىسى اسىلحان نابيەۆ سپورتتى دامىتۋ ديرەكتسياسىنىڭ ءباسپاسوز قىزمەتىنە بەرگەن سۇحباتىندا.
قازاقستان ەرلەر قۇراماسى الدا قىتايداعى ازيادا مەن قاتار استاناسىندا وتەتىن پاريج وليمپياداسىنىڭ ىرىكتەۋ تۋرنيرىنە قاتىسادى.
