تالدىقورعان قالاسىندا ۇيىمداستىرىلعان تاس جولداعى ۆەلوسپورتتان جەكەلەي جارىستىڭ جەڭىمپازى اتانعان لۋتسەنكو سپارتاكيادانىڭ سوڭعى كۇنىندەگى توپتىق جارىستا دا الدىنا جان سالمادى. 164 شاقىرىمعا (5 اينالىم) جالعاسقان جارىستا ۇلتتىق قۇرامانىڭ كوشباسشىسى, سولتۇستىك قازاقستان وبلىسىنىڭ وكىلى الەكسەي لۋتسەنكو مارە سىزىعىن ءبىرىنشى بولىپ كەستى. ەكىنشى ورىندى جەڭىمپازدان 2 مينۋت 5 سەكۋندقا قالىپ قويعان اقمولا وبلىسىنىڭ ۆەلوشاباندوزى ەۆگەني گيديچ يەلەنسە, ۇزدىك ۇشتىكتى سولتۇستىك قازاقستان وبلىسىنىڭ تاعى ءبىر سپورتشىسى دانيل مارۋحين تۇيىندەدى.
23 جاسقا دەيىنگى ۆەلوشاباندوزدار اراسىنداعى باسەكەدە لوندون وليمپياداسىنىڭ چەمپيونى الەكساندر ۆينوكۋروۆتىڭ ۇلى نيكوليا ۆينوكۋروۆ (سقو) قازاقستان چەمپيونى اتانسا, اندرەي رەمحەگە (الماتى وبلىسى) كۇمىس جۇلدە بۇيىردى. قولا جۇلدەنى وركەن سلامجانوۆ (جەتىسۋ وبلىسى) يەلەندى.
