مادەنيەت جانە سپورت مينيسترلىگى مالىمەتى بويىنشا تىزىمگە زەرگەرلىك بۇيىمدار, IT جانە ويىن جاساۋ, مادەني مۇرا, تەلەباعدارلامالار, فوتو جانە ديزاين, ساۋلەت جانە ءسان, مۋزىكا, كينو جانە انيماتسيا, سونداي-اق كەيبىر مادەني-دەمالىس مەكەمەلەرى سياقتى ءىس-شارالار كىردى.
كريتەريلەر بارىنشا جەڭىلدەتىلدى جانە حالىقارالىق ۇسىنىستارعا سايكەس كەلتىرىلدى.
مينيسترلىك كرەاتيۆتى يندۋستريا جەكە كاسىپكەرلىكتى مەملەكەتتىك قولداۋ شارالارى قولدانىلاتىن ەكونوميكا سەكتورىنا اينالاتىنىن ايتتى.
«مينيسترلىكتىڭ كرەاتيۆتى قوعامداستىقپەن جانە مەملەكەتتىك ورگاندارمەن بىرلەسكەن جۇمىسىنىڭ ارقاسىندا قازاقستاندا العاش رەت كرەاتيۆتى يندۋستريانى قارجىلىق جاعىنان دا, قارجىلىق ەمەس جاعىنان دا قولداۋ ءۇشىن قۇقىقتىق نەگىز پايدا بولدى. بۇل ۇدەرىس سالانىڭ جاڭالىعىنا جانە ءتىپتى حالىقارالىق دەڭگەيدە بىرىڭعاي كريتەريلەردىڭ بولماۋىنا بايلانىستى بەلگىلى ءبىر ۋاقىتتى الدى. مەملەكەتتىك قولداۋدىڭ ناقتى شارالارى سالاداعى جاعدايدى مۇقيات زەردەلەگەننەن كەيىن بيىل ۇكىمەتتىڭ قاراۋىنا ۇسىنىلاتىن بولادى», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.
