بۇل رەفورمانىڭ نەگىزگى ماقساتى - ەلىمىزدەگى تۇرعىن ءۇي قاتىناستارى جانە تۇرعىن ءۇي-كوممۋنالدى شارۋاشىلىق سالالارىنداعى قولدانىستاعى زاڭنامانى جەتىلدىرۋ.
ماسەلەن, ءماجىلىس دەپۋتاتتارى جىلۋ بەرۋ ماۋسىمىنا دايىندىقتى ءۇزىلىسسىز جۇرگىزۋ ءۇشىن, سونداي-اق جىلجىمايتىن م ۇلىكتى باسقارۋدىڭ جاڭا تۇرلەرىنە كوشۋگە بايلانىستى پروبلەمالىق ماسەلەلەردى ەسكەرىپ, پاتەر يەلەرىنىڭ كووپەراتيۆى, قاراپايىم سەرىكتەستىك جانە ت.ب. باسقارۋ فورمالارىنىڭ قىزمەتىن توقتاتۋ تۋرالى شەكتەۋدى الىپ تاستاۋدى ۇسىنعان ەدى.
وسى رەتتە بىلتىر پاتەر يەلەرىنىڭ كووپەراتيۆتەرى مەن تۇتىنۋ كووپەراتيۆتەرىنىڭ باسقارۋدىڭ جاڭا تەتىگىنە كوشۋ ۋاقىتى 2023 جىلدىڭ شىلدە ايىنا دەيىن ۇزارتىلعانىن ايتا كەتەيىك. قازىر رەسپۋبليكاداعى تۇرعىن ۇيلەردى باسقارۋمەن اينالىساتىن ۇيىمداردىڭ 97,3%-ى تىڭ تەتىككە كوشىپ ۇلگەرگەن.
«زاڭ اياسىندا جۇرگىزىلگەن تاجىريبەلىك مونيتورينگ كورسەتكەندەي, پاتەرلەردىڭ, تۇرعىن ەمەس ءۇي-جايلاردىڭ بارلىق يەسى مەنشىگىندەگى جىلىجىمايتىن م ۇلىكتى باسقارۋعا اسا ىنتاسى جوق. بۇعان قوسا وسىعان بايلانىستى جاۋاپكەرشىلىكتى دە العىسى كەلمەيدى», دەدى دەپۋتاتتار.
ءوز كەزەگىندە يندۋستريا جانە ينفراقۇرىلىمدىق دامۋ مينيسترلىگى اتالعان باعىتتاعى جۇمىستى جالعاستىراتىن بولادى. بۇل ورايدا وسى جاڭاشىلدىق بويىنشا نەگىزگى قاعيداتتاردى ساقتاي وتىرىپ, كوندومينيۋم نىسانىن باسقارۋدىڭ قازىرگى جۇمىس ىستەۋ تەتىكتەرى قايتا قارالادى. سونداي-اق كوپپاتەرلى تۇرعىن ۇيلەردى باسقارۋ بويىنشا كاسىبي نارىق سۋبەكتىلەرىن تارتۋ تەتىكتەرى پىسىقتالماق.
حالىقتىڭ ءوتىنىشىن ەسكەرە وتىرىپ, دەپۋتاتتاردىڭ باستاماسىمەن م ۇلىك يەلەرىنىڭ بىرلەستىگىمەن قاتار پاتەر يەلەرىنىڭ كووپەراتيۆتەرى دە ءوز قىزمەتتەرىن جالعاستىرا بەرەدى.
