فوتو: istockphoto.com
جاڭا باعىت استانا حالىقارالىق اۋەجايىن «نۇرلى جول» تەمىرجول ۆوكزالىمەن بايلانىستىرادى. جەلىنىڭ جالپى ۇزىندىعى 22 شاقىرىمنان اسادى جانە ونىڭ بويىندا 18 ستانتسيا ورنالاسادى. قازىردىڭ وزىندە كارتادان قوعامدىق كولىك باعىتتارىن ىزدەگەن كەزدە, جۇيە وسى ستانتسيالاردى ەسكەرە وتىرىپ جول كورسەتۋدى باستاعان.
الدىن الا ەسەپتەۋلەر بويىنشا اۋەجايدان LRT ستانساسىنا دەيىنگى جول شامامەن 40 مينۋتتى الادى. سالىستىرمالى تۇردە ايتساق, ءدال قازىر قالالىق اۆتوبۋستارمەن قاربالاس ۋاقىتتا بۇل قاشىقتىقتى ءجۇرىپ ءوتۋ ءۇشىن 1,5 ساعاتتان استام ۋاقىت كەتەدى. دەمەك, جاڭا كولىك جولاۋشىلاردىڭ ۋاقىتىن ەكى ەسەدەن استام ۋاقىتقا قىسقارتۋعا مۇمكىندىك بەرەدى.
ەسكە سالا كەتەيىك, بۇعان دەيىن CTS كومپانياسى باق وكىلدەرىنە ەلوردانىڭ باس كولىك ينفراقۇرىلىمى نىسانىنىڭ ىشكى جۇمىسىن العاش رەت ەگجەي-تەگجەيلى كورسەتكەن بولاتىن.
بۇعان دەيىن استاناداعى LRT قۇرىلىسىنا قانشا قارجى جۇمسالعانىن جازعان ەدىك.
ەسكە سالا كەتەيىك, LRT جۇيەسى الداعى دەمالىس كۇندەرى, 16-17 مامىردا ىسكە قوسىلادى.
