«مەملەكەت باسشىسىنىڭ تاپسىرماسى بويىنشا ينجەنەرلىك-تەحنيكالىق كادرلاردى دايارلاۋعا باسىمدىق بەرىلەدى. ۇمىتكەرلەردى قولداۋ ءۇشىن «ينجەنەرلىك-تەحنيكالىق قىزمەتكەرلەر» جاڭا جەڭىلدىك ساناتى ەنگىزىلدى. سونىمەن قاتار ءبىزدىڭ باستامامىزبەن مەديتسينالىق قىزمەتكەرلەردى ىرىكتەۋ قاعيدالارى جەتىلدىرىلدى», دەپ اتاپ ءوتتى «حالىقارالىق باعدارلامالار ورتالىعى» اق باسقارما توراعاسى ولجاس ساكەنوۆ.
سونىمەن قاتار شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 328 قازاقستاندىق عىلىمي تاعىلىمدامالار باعدارلاماسى بويىنشا گرانت يەگەرى اتاندى.
وتاندىق عالىمدار ينجەنەرلىك عىلىمدار, اقپاراتتىق-كوممۋنيكاتسيالىق تەحنولوگيالار, ءبىلىم بەرۋ, اگروونەركاسىپتىك كەشەن, مەديتسينا جانە ت.ب. سالالاردا زەرتتەۋلەر جۇرگىزۋ ءۇشىن الەمنىڭ جەتەكشى عىلىمي ورتالىقتارىنا جىبەرىلەدى.
ايتا كەتەيىك, بيىل «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋعا قۇجات قابىلداۋ ءتورت لەكتە وتەدى.
ءۇشىنشى لەگى بيىلعى 7 شىلدەگە دەيىن جالعاسادى. جىل سوڭىنا دەيىن 17 شىلدە مەن 15 قىركۇيەك ارالىعىندا تاعى ءبىر لەگى وتەدى.
عىلىمي تاعىلىمداما بويىنشا كونكۋرستىق ىرىكتەۋگە قاتىسۋعا وتىنىمدەردى قابىلداۋ 2023 جىلعى 28 تامىز بەن 13 قازان ارالىعىندا جالعاسادى.
