قوسجار اۋىلدىق وكرۋگىندەگى جەكە كاسىپكەر ەلتاي تورەحانوۆ تامشىلاتىپ سۋارۋ ءادىسى ارقىلى 2 گەكتارعا قيار, 1,5 گەكتار القاپقا قىزاناق, 14 گەكتارعا قاۋىن-قاربىز ەگىپتى. قازىر كۇنىنە قياردان 150-200 كيلو ءونىم الىپ وتىر. ءونىم اۋىلداعى ازىق-ت ۇلىك دۇكەندەرىندە 200 تەڭگەدەن ساتىلىمعا شىعارىلدى. ال وزگە ايماقتارداعى بازار سورەلەرىنە 350 تەڭگەدەن جىبەرىلەدى. جاقىن ارادا قاربىز بەن قىزاناق تا ءپىسىپ, ساۋدا سورەسىنە تۇسەدى.
ال سەكسەۋىل كەنتىندە احمەتجان بوحانوۆ 240 شارشى مەترلىك جىلىجاي سالىپ, گوللانديالىق قياردىڭ بىرنەشە سورتىن وسىرەدى. مەملەكەت تاراپىنان قولداۋ كورىپ, قايتارىمسىز گرانت العان كاسىپكەر جىلىجايدان بولەك 7 گەكتارعا قاۋىن-قاربىز ەگىپتى.
وسىلايشا, جەرگىلىكتى كاسىپكەرلەر مەن وڭىردەگى ءىرى ساۋدا ورىندارى مەن شاعىن دۇكەندەرگە نارىقتاعى باعادان ەداۋىر ارزان ءونىم جەتكىزىپ, باعانى تۇراقتاندىرۋعا ءوز ۇلەسىن قوسىپ وتىر.
قىزىلوردا وبلىسى
